قىتاي بەنزين مەن ديزەلدىك وتىن باعاسىن جىل باسىنان ونىنشى رەت كوتەردى

بەيجىڭ. قازاقپارات - قىتاي مەملەكەتتىك رەتتەۋىشى 2022 -جىل باستالعالى بەرى بەنزين مەن ديزەلدىك وتىننىڭ بولشەك باعاسىن ونىنشى رەت كوتەرىپ جاتىر، دەپ حابارلايدى قازاقپارات مەنشىكتى ءتىلشىسى ق ح ر دامۋ جانە رەفورمالار ىستەرى جونىندەگى مەملەكەتتىك كوميتەتىنىڭ (د ر ى م ك) مالىمەتىنە سىلتەمە جاساپ.

د ر ى م ك مالىمەتىنشە، ءبىر توننا بەنزين باعاسى 400 يۋانعا (باررەلى 6,94 دوللار)، ديزەلدىك وتىن - 390 يۋانعا (باررەلى 7,76 دوللار) وسەدى. بەنزين مەن ديزەلدىك وتىننىڭ قىمباتتاعان باعاسى 31-مامىردان باستاپ كۇشىنە ەنەدى.

اتالعان كوميتەتتىڭ مونيتورينگ ورتالىعىنىڭ دەرەكتەرىنە سايكەس، ءساۋىر ايىندا قىتايدىڭ 36 قالاسىندا 92 ماركالى بەنزيننىڭ بولشەك ساۋداداعى باعاسى ليترى ءۇشىن 8,53 يۋاندى (1,34 دوللارعا جۋىق)، 95 ماركالى بەنزين ليترى ءۇشىن 9,16 يۋاندى (1,43 دوللار) قۇرادى.

اۆتور: اقبوپە ءابدراسۋل