قازاقستان رەسەي مەن بەلارۋس جۇك تاسىمالداۋشىلارىنىڭ قىزمەتىنە شەكتەۋ قويا ما
مينيسترلىك اقپاراتىنا سايكەس، حالىقارالىق اۆتوموبيل تاسىمالى سالاسىنداعى الەمدىك تاجىريبەگە سايكەس، ۇلتتىق اۆتوموبيل تاسىمالداۋشىلاردىڭ مۇددەلەرىن قورعاۋ ماقساتىندا ىشكى زاڭنامادا ءۇشىنشى ەلدەرگە/ەلدەردەن جۇك تاسىمالىنا شەكتەۋلەر ەنگىزىلەدى، ونىڭ ىشىندە «قايتا تيەۋ» بويىنشا.
قازاقستاندا اتالعان تالاپتار 2017 -جىلى ينۆەستيسيالار جانە دامۋ مينيسترلىگىنىڭ «قازاقستان رەسپۋبليكاسىندا حالىقارالىق قاتىناستا اۆتوموبيل تاسىمالدارىنىڭ رۇقسات بەرۋ جۇيەسىن قولدانۋ قاعيدالارىن بەكىتۋ تۋرالى» بۇيرىعىمەن ەنگىزىلگەن. وسى تالاپتاردى بۇزعانى ءۇشىن قازاقستان رەسپۋبليكاسىندا 200 ا ە ك (اۆتوكولىك قۇرالدارىنىڭ جۇرگىزۋشىلەرىنە) جانە 500 ا ە ك (زاڭدى تۇلعالارعا) مولشەرىندە اكىمشىلىك ايىپپۇل قاراستىرىلعان. بۇل رەتتە، «قايتا تيەۋگە» تىيىم سالاتىن تالاپتار شەتەلدىك تاسىمالداۋشىلارمەن قاتار قازاقستاندىق تاسىمالداۋشىلارعا دا بىردەي دارەجەدە قولدانىلادى.
وسىعان ۇقساس تالاپتار رەسەي فەدەراتسياسىندا ر ف كولىك ءمينيسترىنىڭ 2015 -جىلعى 14 -قازانداعى №301-بۇيرىعىمەن جانە «ءۇشىنشى مەملەكەتتەردىڭ جۇكتەرىن حالىقارالىق اۆتوموبيل تاسىمالدارىن ورىنداۋ ەرەكشەلىكتەرىن بەكىتۋ تۋرالى» ر ف كولىك مينيسترلىگىنىڭ 2020 -جىلعى 28 -شىلدەدەگى №259-جاڭا بۇيرىعىندا بەلگىلەنگەن بولاتىن. رەسەي فەدەراتسياسىندا وسى نورمانى بۇزعانى ءۇشىن 150000 رۋبل كولەمىندە ايىپپۇل قاراستىرىلعان.
«ايتا كەتەرلىگى، قازىرگى تاڭدا ورىن العان گەوساياسي جاعدايعا بايلانىستى وتكەن جاقىن كۇندەرى رەسەي جانە بەلارۋس ۋاكىلەتتى ورگاندارى قازاقستاندىق تاراپتى حاباردار ەتپەستەن، 2023 -جىلدىڭ 1-قاڭتارىنا دەيىن «قايتا تيەۋگە» تىيىم سالۋ تۋرالى تالاپتىڭ كۇشىن توقتاتتى. وسىعان بايلانىستى قازاقستاندا «قايتا تيەۋگە» تىيىم سالۋ تۋرالى تالاپ قولدانىستا ەكەنىن ايتا كەتكەن ءجون. 2022 -جىلعى 30-مامىردا قازاقستان مەن ر ف ۇكىمەت باسشىلارىنىڭ كەزدەسۋى بارىسىندا «قايتا تيەۋگە» تىيىم سالۋ تالاپتارىنىڭ ارەكەت ەتۋىن توقتاتا تۇرۋ تۋرالى حابارلامانى تالقىلاعاننان كەيىن، قازاقستان تاراپى تۇسىنىستىك تانىتىپ، ورىن العان جاعدايدى ءتيىمدى شەشۋدى ۇسىندى. «قايتا تيەۋگە» تىيىم سالۋ تۋرالى تالاپ كەلەسى جىلدىڭ باسىنا دەيىن بەلارۋستىك جانە رەسەيلىك تاسىمالداۋشىلارعا دا قاتىستى قولدانىلمايدى»، - دەلىنگەن ق ر ي ي د م مالىمدەمەسىندە.
قازىرگى تاڭدا قازاقستان مەن رەسەي فەدەراتسياسىنىڭ قۇزىرەتتى مەملەكەتتىك ورگاندارى مەن ۇيىمدارى ءتيىستى كونسۋلتاتسيالار جۇرگىزىپ جاتىر. ولاردىڭ ناتيجەلەرى بويىنشا ءوزارا قولايلى شەشىمدەر قابىلداناتىن بولادى.
«وسى رەتتە قازاقستان رەسپۋبليكاسىنىڭ زاڭناماسىندا ءۇشىنشى ەلدەرگە/ەلدەردەن حالىقارالىق اۆتوموبيل تاسىمالدارى كەزىندە قايتا تيەۋدى جۇزەگە اسىرۋ مۇمكىندىگىنە شەكتەۋ قويىلمايدى. اتالعان ماقساتتاردا رۇقسات بەرەتىن ارنايى قۇجات الۋ قاجەت. بۇگىندە قازاقستان رەسپۋبليكاسىندا قازاقستاننان ەۋروپا ەلدەرىنە جۇك تاسىمالداۋدى قامتاماسىز ەتەتىن 40-قا جۋىق كومپانيا تىركەلگەن. وندا كولىك قۇرالدارىنىڭ جالپى پاركى 3 مىڭ بىرلىكتى قۇرايدى»، - دەدى مينيسترلىكتەن.
