ديپلومدىق جۇمىستاردى جازاتىن كولەڭكەلى نارىق بار - اسحات ايماعامبەتوۆ
«ديپلومدىق جۇمىستاردىڭ جىل سايىن قايتالاناتىنى ەشكىمگە جاسىرىن ەمەس. بىزدە ديپلومدىق جۇمىستار مەن جوبالاردى ازىرلەيتىن كولەڭكەلى نارىق بار. ولاردىڭ ءبارى بىردەي. اتالعان ماسەلەنى شەشۋ جانە الدىن الۋ ماقساتىندا ءبىز زاڭعا وزگەرىستەر ەنگىزۋ باستاماسىن كوتەرىپ وتىرمىز»، - دەدى اسحات ايماعامبەتوۆ ۆەدومستۆودا وتكەن اپپاراتتىق جينالىستا.
وسىلايشا ءبىلىم جانە عىلىم مينيسترلىگى تاپسىرىس بويىنشا ديپلوم جازاتىندارمەن كۇرەسپەك.
بۇعان دەيىن مينيستر بيىل ج و و- عا قۇجاتتار ءبىرىڭعاي سيفرلىق پلاتفورما ارقىلى قابىلداناتىنىن جەتكىزدى.
ايتا كەتسەك، الداعى وقۋ جىلىنان باستاپ ستۋدەنتتەردىڭ شاكىرتاقىسى 20 پايىزعا ارتادى. سونداي-اق، مينيسترلىكتىڭ اپپاراتتىق جينالىسىندا ج و و تۇلەكتەرىن ەڭبەكپەن قامتۋ جونىندەگى كوميسسيانىڭ جۇمىسى سىنالدى.
ودان بولەك، بيىل مەملەكەتتىك گرانتتاردىڭ 60 پايىزى تەحنيكالىق ماماندىقتارعا بولىنەتىنى ايتىلدى.
