10:25, 24 - مامىر 2022 | GMT +6
تايۋاندى ا ق ش قورعاۋعا دايىن - بايدەن
نۇر-سۇلتان. قازاقپارات – ا ق ش قاجەت بولسا، تايۆاندى قورعاۋعا دايىن. بۇل تۋرالى پرەزيدەنت جو بايدەن جاپون پرەمەر-ءمينيسترى فۋميو كيسيدپەن توكيودا وتكەن كەلىسسوزدە مالىمدەدى.
ايتۋىنشا، قىتايدىڭ تايۋانعا اۋىز سالۋى ۋكرايناداعىداي احۋالعا اكەلەدى. سول سەبەپتى جاپونيانى دا كەز كەلگەن ءىستى بەيبىت جولمەن شەشۋگە شاقىردى.
«ءبىز جاپونيامەن جانە باسقا ەلدەرمەن بىرگە قانداي دا ءبىر باسىپ كىرۋ ارەكەتتەرىن بولعانىن قالامايمىز. جانە الداعى ۋاقىتتا بولمايدى دەپ سەنەمىن. مۇنداي ارەكەت الەمدىك قوعامداستىقتىڭ نارازىلىعىنا اكەلەتىنىن انىق جەتكىزە الۋىمىزعا بايلانىستى»، - دەدى ا ق ش پرەزيدەنتى جو بايدەن.
قىتاي دا قاراپ جاتقان جوق. رەسمي بەيجىڭ امەريكا پرەزيدەنتىنىڭ مالىمدەمەسىنە قاتىستى ىلە-شالا جاۋاپ بەرىپ، نارازىلىعىن ءبىلدىردى. سىرتقى ىستەر مينيسترلىگى وكىلىنىڭ ايتۋىنشا، تايۋان قىتاي ەلىنىڭ اجىراماس ءبىر بولىگى.
24.kz
