وزبەكستان قازاقستاننان اقشا اۋدارىمى ەڭ كوپ جاسالعان ەلدەردىڭ ۇشتىگىنە ەندى

تاشكەنت. قازاقپارات - 2022-جىلدىڭ ءبىرىنشى توقسانىندا قازاقستاننان شەتەلگە اقشا اۋدارىمدارى جۇيەسى ارقىلى 189,5 ميلليارد تەڭگە ($442,8 ميلليون) جىبەرىلدى، دەپ حابارلايدى قازاقپارات مەنشىكتى ءتىلشىسى.

Finprom.kz دەرەكتەرى بويىنشا، ءبىرىنشى توقساندا تۇركيا، وزبەكستان جانە قىرعىزستان قازاقستاننان اقشا اۋدارىمدارىن جونەلتۋ بويىنشا ەڭ تانىمال باعىتتارعا اينالعان.

قاراجاتتىڭ جارتىسىنا جۋىعى ەكى ەلگە عانا جىبەرىلدى: تۇركياعا (52,3 ميلليارد تەڭگە) جانە وزبەكستانعا (38,6 ميلليارد تەڭگە).

كوشباسشىلار ۇشتىگىن ق ر- دان جىبەرىلگەن 33,2 ميلليارد تەڭگە قارجى كولەمىمەن قىرعىزستان اياقتايدى.

پورتالدىڭ مالىمەتىنشە، ق ر- دان اۋدارىلعان قاراجات بويىنشا بۇعان دەيىن بىرنەشە جىل بويى كوش باستاپ كەلگەن رەسەي 28,5 ميلليارد تەڭگە اۋدارىم كولەمىمەن نەبارى ءتورتىنشى ورىندى يەلەندى.

بۇل وتكەن جىلمەن سالىستىرعاندا %36,2 عا از. بەسىنشى ورىندا گرۋزيا. اۋدارىم كولەمى - 13,3 ميلليارد تەڭگە، بۇل ءبىر جىل بۇرىنعىدان 4,3 ەسەگە ارتىق.