19:09, 05 - مامىر 2022 | GMT +5
كوميتەت قاتە تولەنگەن مەملەكەتتىك باجدى قايتارىپ الۋدىڭ ءتارتىبىن ءتۇسىندىردى
نۇر-سۇلتان. قازاقپارات - مەملەكەتتىك كىرىستەر كوميتەتىندە مەملەكەتتىك باجدى بيۋجەتتەن قاي جاعدايدا جانە قالاي قايتارۋعا بولاتىنى تۋرالى ءتۇسىندىرىپ بەردى، دەپ حابارلايدى قازاقپارات.

سالىق تولەۋشىلەر مەملەكەتتىك باجدى قاتە تولەسە نەمەسە زاڭدىق ءمانى بار ارەكەتتەن باس تارتسا اقشانى قايتارا الادى.
مەملەكەتتىك باجدى قايتارۋ ءتيىستى قۇجاتتارمەن رەتتەلەدى.
سالىق ورگانى مەملەكەتتىك باجدىڭ ارتىق تولەنگەن سوماسىن قايتارۋدى سالىق تولەۋشى ۇسىنعان ءوتىنىشى جانە ءتيىستى مەملەكەتتىك ورگاننىڭ قايتارۋدىڭ زاڭدىلىعىن راستايتىن قۇجاتى نەگىزىندە جۇرگىزەدى.
مەملەكەتتىك باجدىڭ ارتىق تولەنگەن سوماسىن قايتارۋدى ونىڭ تولەنگەن جەرى بويىنشا سالىقتىق ءوتىنىش بەرىلگەن كۇننەن باستاپ بەس جۇمىس كۇنى ىشىندە سالىق تولەۋشىنىڭ بانكتىك شوتىنا اۋدارىلادى.