تۇسىك تاستاۋدىڭ قاۋىپتى ەكەنىن العاش دالەلدەگەن قازاق قىزى

نۇر-سۇلتان. قازاقپارات - سۋرەتتەگى كىسى - الاش كوسەمىنىڭ قىزى، مەديتسينا عىلىمدارىنىڭ دوكتورى، پروفەسسور، مايور شەنىندەگى اسكەري دارىگەر، ابورت جاساتۋ مەن تۇسىك تاستاۋدىڭ قاۋىپتى ەكەنىن العاش زەرتتەگەن قازاق عالىمى - زەينەپ بوكەيحانوۆا- ءسادۋاقاسوۆا .
None
None

ورىستار ەليزاۆەتا دەپ اتاعان زەينەپ ءاليحان قىزى سادۋاقاسكەلىنى (8.5.1903 پەتەربور - 23.6.1971 ماسكەۋ) «ابورت جاساتۋدىڭ الەۋمەتتىك- گيگيەنالىق پروبلەماسى» اتتى دوكتورلىق ديسسەرتاتسياسىن ءساتتى قورعاپ، مەديتسينا عىلىمىنىڭ دوكتورى عىلىمي دارەجەسىن يەلەنگەن.

ونىڭ «وتباسىنىڭ الەۋمەتتىك- گيگيەنالىق اسپەكتىلەرىن رەتتەۋ» اتتى مونوگرافياسى جارىققا شىققان. عالىم- دارىگەردىڭ بۇل ەڭبەگى س س س ر تاريحىنداعى تۇسىك تاستاۋ ماسەلەسىنە وراي جازىلعان №1-ەڭبەك بولىپ سانالعان. ءالى كۇنگە دەيىن رەسەيدىڭ مەديتسينالىق وقۋ ورىندارىندا وسى ەڭبەكتى باسشىلىققا الىپ، وقۋ پروتسەسسىندە قولدانادى ەكەن. وزدەرىڭىز جاقسى بىلەسىزدەر، تۇسىك تاستاۋ ماسەلەسى - قازىرگى قوعامنىڭ دا وزەكتى ماسەلەسى بولىپ تۇرعان ءىس. ءتىپتى، وزەگىن جويماعان ماسەلە دەسەك تە بولادى.

زەينەپ اپامنىڭ سۋرەتىنە قاراسام، تۋرا اكەسى - ءاليحان نۇرمۇحامەد ۇلىن كورگەندەي بولامىن.

«اكەسىنىڭ اۋزىنان تۇسكەندەي ەكەن! سۇلۋ دا پاراساتتى، اقىلدى، ۇستامدى جان بولاتىن دەيدى ەستەلىكتەردە. اكەسى مەن جارىنان، باۋىر ەتى بالاسىنان تىرىدەي ايىرىلىپ، تاعدىردىڭ تالكەگىنە ۇشىراعان زەينەپ ءاليحان قىزى اقتىق دەمى تاۋسىلعانشا س س س ر مەديتسينا سالاسىنا ايرىقشا ۇلەس قوستى. الايدا، عالىم- دارىگەردىڭ تەوريالىق اشقان عىلىمي جاڭالىعىنا كوزىنىڭ تىرىسىندە بيلىك تاراپىنان الدەنەشە رەت تيىم سالىنعان بولاتىن. ونى جۇمىستان نەشە رەت شىعاردى، عىلىمي جاڭالىعىن مويىندامادى. كوسەمنىڭ قىزى، سماعۇلدىڭ جەسىرى، ەسكەندىردىڭ اناسى جۇيكەسى سىر بەرىپ، كۇيزەلىستەن ولگەن. ەھ، بەيوپا ءومىر! ماسكەۋدەگى ر گ ا س پ ي قورىمەن جۇمىس ىستەگەنىمدە، وسى - زەينەپ ءاليحان قىزىنىڭ دەلوسىمەن ارنايى تانىسىپ، كىتاپتارىن وقىپ، تاڭقالعان ەدىم. زەينەپ انا ھاقىندا ءبىرقاتار ماقالا جازىپپىن. ەندى سولاردىڭ باسىن قوسىپ، ارحيۆ ماتەريالدارىن توپتاستىرىپ، عالىمنىڭ ءومىر جولى، كورگەن قياناتى، تاعدىرى جايىندا جاڭا ءبىر زەرتتەۋ كىتابىمدى دايارلاپ وتىرمىن. وكىنىشتىسى - قاراجاتىم بولماي تۇر. دەمەۋشى تابىلسا، قازاق وقىرمانىنىڭ كىتاپ سورەسى جاقسى كىتاپپەن تولىققالى تۇر! تۋعان كۇنى قارساڭىندا زەينەپ بەگىمدى ساعىنىشپەن، قۇرمەتپەن ەسكە الىپ، رۋحىنا فاتيحا وقيىق»، دەپ جازادى الاشتانۋشى جاس عالىم ەلدوس توقتارباي facebook الەۋمەتتىك جەلىسىندەگى جازباسىندا.

سوڭعى جاڭالىقتار