كونستيتۋتسيالىق كەڭەسكە تۇڭعىش پرەزيدەنتتىڭ مارتەبەسىنە قاتىستى نورمانى الىپ تاستاۋ ۇسىنىلدى - ەرلان قارين

نۇر-سۇلتان. قازاقپارات - كونستيتۋتسيالىق كەڭەسكە تۇڭعىش پرەزيدەنت نۇرسۇلتان نازاربايەۆتىڭ ەل تاريحىنداعى ءرولى تۋرالى مارتەبە بەرەتىن نورمانى كونستيتۋتسيادان الىپ تاستاۋ جونىندە ءوتىنىم جولداندى، دەپ حابارلايدى قازاقپارات.
None
None

بۇل تۋرالى ق ر مەملەكەتتىك حاتشىسى ەرلان قارين telegram كانالىندا جازدى.

«بۇگىن كونستيتۋتسيالىق كەڭەس ەل كونستيتۋتسياسىنا تۇزەتۋلەر ەنگىزۋ جوباسىن جاقتايتىن قورىتىندى شىعاردى. بۇل كونستيتۋتسيالىق رەفورمانى ىسكە اسىرۋدىڭ ەڭ ماڭىزدى، ەل مەن ۇلت بولاشاعىندا ءمانى زور كەزەڭدەرىنىڭ ءبىرى. كونستيتۋتسيالىق رەفورما بيلىك تارماقتارىنىڭ اراسىنداعى تەڭگەرىمدى وڭتايلاندىرىپ، حالىقتىڭ مەملەكەتتى باسقارۋعا قاتىسۋ مۇمكىندىگىن كەڭەيتەدى جانە ازاماتتاردىڭ كونستيتۋتسيالىق قۇقىقتارىنىڭ قورعالۋىن كۇشەيتەدى. سونداي- اق جۇمىس توبىنىڭ كەيبىر مۇشەلەرىنىڭ پىكىرىن ەسكەرە وتىرىپ، كونستيتۋتسيالىق كەڭەسكە تۇڭعىش پرەزيدەنتتىڭ مارتەبەسىنە قاتىسى بار نورمانى الىپ تاستاۋ تۋرالى قوسىمشا ءوتىنىم جولداندى. جۇمىس توبى مۇشەلەرىنىڭ پىكىرى بويىنشا، تۇڭعىش پرەزيدەنتتىڭ تاريحي ءرولى جالپىعا ءمالىم جانە ونى كونستيتۋتسيادا جەكەلەپ بەكىتۋ قاجەت ەتپەيدى»، - دەپ جازدى ول.

مەملەكەتىك حاتشىنىڭ جازباسىنا قاراعاندا، كونستيتۋتسيالىق كەڭەستىڭ ەنگىزىلەتىن تۇزەتۋلەر جوباسىنا قارسىلىعى جوق.

«كونستيتۋتسيالىق كەڭەس تۇزەتۋلەردىڭ بۇكىل تارماقتارى كونستيتۋتسياعا ساي دەگەن قورىتىندى بەردى. كونستيتۋتسيالىق نورما تۇتاستاي مەملەكەتتىك-ساياسي مودەلدى ترانسفورماتسيالاۋعا باعىتتالعان جانە قوعام يگىلىگى ءۇشىن جۇرگىزىلىپ جاتىر» ، - دەپ تولىقتىردى ەرلان قارين.

بۇعان دەيىن ق ر پارلامەنتى ءماجىلىسىنىڭ ءتوراعاسى ەرلان قوشانوۆ تۇڭعىش پرەزيدەنت تۋرالى زاڭ قاشان كۇشىن جوياتىنىن ايتقان بولاتىن.


سوڭعى جاڭالىقتار