17:09, 04 - مامىر 2022 | GMT +5
«امانات» پارتياسىنىڭ حاتشىسى تاعايىندالدى
نۇر- سۇلتان. قازاقپارات- ەلدار جۇماعازيەۆ «AMANAT» پارتياسىنىڭ حاتشىسى بولىپ تاعايىندالدى، دەپ حابارلايدى قازاقپارات پارتيانىڭ باسپا ءسوز قىزمەتىنە سىلتەمە جاساپ.

ەلدار جۇماعازيەۆ 1973 -جىلى 12-مامىردا دۇنيەگە كەلگەن. اتىراۋ مۇناي جانە گاز ينستيتۋتىنىڭ تۇلەگى. 2007 -جىلى رەسەي مەملەكەتتىك قىزمەت اكادەمياسىن ءبىتىردى.
1996 -جىلدان 2002 -جىلعا دەيىن كوممەرتسيالىق كومپانيالاردا باسشىلىق لاۋازىمداردى اتقاردى. 2002-2006 -جىلدارى اتىراۋ وبلىسى ىشكى ساياسات دەپارتامەنتىنىڭ ءبولىم باسشىسى بولدى. 2006-2011 -جىلدارى «اتىراۋ- اقپارات» مەدياحولدينگىن، 2011-2012 -جىلدارى اتىراۋ وبلىسىنىڭ ىشكى ساياسات باسقارماسىن باسقاردى.
2014 -جىلدان باستاپ «اتامەكەن» ۇلتتىق كاسىپكەرلەر پالاتاسىندا ءتۇرلى قىزمەتتەر اتقاردى، باسقارما ءتوراعاسىنىڭ كەڭەسشىسى، اپپارات باسشىسى، باسقارما ءتوراعاسىنىڭ ءبىرىنشى ورىنباسارى بولدى. 2020 -جىلدىڭ قاراشا ايىنان باستاپ «ADAL» پارتياسىنىڭ حاتشىسى قىزمەتىن اتقاردى.