جەكە كۋالىك پەن پاسپورتتىڭ سۋرەتى سيفرلىق قۇجات بولا المايدى - باعدات مۋسين

نۇر- سۇلتان. قازاقپارات – ق ر سيفرلىق دامۋ، يننوۆاتسيالار جانە ايەروعارىش ونەركاسىبى ءمينيسترى باعدات مۋسين ماجىلىستە قۇجاتتىڭ فوتوسۋرەتى نەگە سيفرلىق قۇجات بولا المايتىنىن ءتۇسىندىردى، دەپ حابارلايدى قازاقپارات ءتىلشىسى.
None
None

«جەكە كۋالىكتى تەلەفونعا سۋرەتكە ءتۇسىرىپ كورسەتسەم، ول سيرفلىق قۇجات بولىپ ەسەپتەلە مە؟» دەپ سۇرادى دەپۋتات ءاليا ابسەمەتوۆا مينيستردەن.

«جەكە كۋالىكتىڭ الدە باسقا ءبىر قۇجاتتىڭ فوتوسى سيفرلىق قۇجات بولىپ ەسەپتەلمەيدى. ويتكەنى سيفرلىق قۇجات eGov Mobile قوسىمشاسىن الدە باسقا بانكتەردىڭ قوسىمشاسىندا ءوزىڭىزدىڭ سيفرلىق قۇجاتىڭىزدى جۇكتەسەڭىز، QR- كودتى باسىپ، باسقا بىرەۋگە كورسەتە الاسىز. ياعني، QR- كود ارقىلى سمارتفوننان سيرلىق قۇجاتتىڭ رەسمي قۇجات ەكەنىن دالەلدەي الاسىز. سيفرلىق قۇجاتتىڭ شىنايىلىعىن QR- كود ارقىلى راستايدى. سوندىقتان فوتوسۋرەت سيفرلىق قۇجات بولىپ سانالمايدى»، - دەدى مينيستر.

سونداي- اق، ول بىلتىر سيفرلىق قۇجاتتى پايدالانۋ بويىنشا تۇسىنبەۋشىلىكتەر بولعانىن مويىندادى.

«بىلتىر ءبىز وسىنى ەنگىزگەن كەزدە اۋەجايلاردا شىنىمەن پروبلەمالار بولعان. ءاربىر مەكەمەنىڭ، مەملەكەتتىك ورگاننىڭ ءتيىستى ينسترۋكسيالارىنا ءتيىستى وزگەرىستەر ەنگىزۋ قاجەت بولدى. سوندىقتان ءاربىر مەكەمەنىڭ جۇمىس ەرەجەسىنە وسى وزگەرىستەردى ەنگىزۋگە ءماجبۇر بولدىق. قازىر ءبىز ۇسىنىپ وتىرعان زاڭ جوباسىن قولداساڭىزدار. بۇكىل زاڭناماعا وزگەرىستەر ەنگىزبەي- اق، سيفرلىق قۇجاتتىڭ جەكە كۋالىكتەرمەن، باسقا دا قۇجاتتارمەن تەڭ بولاتىنى، باسقا تيەسىلى مەملەكەتتىك ورگانداردىڭ زاڭناماسىنا وزگەرىستەر ەنگىزبەي- اق جەكە كۋالىكتى پايدالانۋعا رۇقسات بەرىلەدى»، - دەدى ۆەدومستۆو باسشىسى.

اۆتور: ەسىمجان ناقتىباي


سوڭعى جاڭالىقتار