ەكى دوستىڭ اڭگىمەسى

نۇر- سۇلتان. قازاقپارات - ەكى دوس ءشول دالادا جولاۋشىلاپ كەلە جاتادى. ءبىر كەزدە سوزدەن ءسوز شىعىپ، ەكەۋى تارتىسىپ قالادى.

بىرەۋى اشۋعا قاتتى بۋلىعىپ، ەكىنشىسىن قويىپ قالادى. دوسىنىڭ ۇرعانى جانىنا قاتتى باتادى، ءبىراق ءلام- ميم دەمەي قۇمعا بىلاي دەپ جازىپ قويادى: «بۇگىن مەنى جان دوسىم ۇردى!» ەكەۋى كوكوراي شالعىن جەرگە كەلگەنشە توقتاماي ءجۇرىپ وتىرادى. سۋدى سول جەردەن ىشەرمىز دەپ كەلىسىپ الادى. ءبىر كەزدە دوسىنان تاياق جەگەن باتپاققا اياعى كىرىپ شىعا الماي قينالادى. ءتىپتى تۇنشىعۋعا اينالىپ، دەمى تارىلا باستاعاندا، دوسى قۇتقارىپ قالادى. باتپاقتان قۇتىلعاننان كەيىن، تاستىڭ ۇستىنە ويىپ تۇرىپ: «بۇگىن مەنى جان دوسىم، ءولىم اۋزىنان قۇتقارىپ قالدى»، - دەپ جازادى.

ونىڭ بۇل جازۋىنا تاڭىرقاعان جولداسى: - ۇرعان كەزىمدە قۇمعا جازدىڭ، ال ەندى نە ءۇشىن تاسقا جازىپ جاتىرسىڭ؟ - دەپ سۇرايدى. سوندا دوسى: - بىرەۋ بىزگە جاماندىق جاساسا، ونى قۇمعا جازعانىمىز دۇرىس، كەشىرىم سامالى ونى ءوشىرىپ كەتسىن. ال بىرەۋ جاقسىلىق جاساسا، ونى تاسقا ويىپ جازايىق، ونى ەشقانداي جەل وشىرە الماسىن! - دەگەن ەكەن.

Massaget.kz