ۇكىمەتتە ىشكى نارىقتى جانار- جاعارمايمەن قامتۋ ماسەلەسى تالقىلاندى

نۇر- سۇلتان. قازاقپارات - ۇكىمەتتە ىشكى نارىققا مۇناي جەتكىزۋ جانە مۇناي ونىمدەرىن وتكىزۋ سحەمالارىن قايتا قاراۋدى كوزدەيتىن زاڭنامالىق وزگەرىستەر قارالدى، دەپ حابارلايدى قازاقپارات primeminister.kz سايتىنا سىلتەمە جاساپ.
None
None

بۇگىن ۇكىمەت ۇيىندە ق ر پرەمەر- ءمينيسترى ءاليحان سمايىلوۆ جانار- جاعارماي ماتەريالدارىن (ج ج م) ءوندىرۋ جانە ءبولۋ ماسەلەلەرى جونىندە كەڭەس وتكىزدى. ءتيىستى ۇسىنىستاردى ەنەرگەتيكا مينيسترلىگى ق ر پرەزيدەنتى قاسىم- جومارت توقايەۆتىڭ ججم نارىعىن رەفورمالاۋ جونىندەگى تاپسىرماسىن ورىنداۋ اياسىندا ازىرلەدى. بايانداما جاساعان ەنەرگەتيكا ءمينيسترى بولات اقشولاقوۆ ىشكى نارىققا مۇناي جەتكىزۋ جانە مۇناي ونىمدەرىن وتكىزۋ سحەمالارىن قايتا قاراۋدى كوزدەيتىن زاڭنامالىق وزگەرىستەر ەنگىزۋدى ۇسىندى.

ماسەلەن، مىناداي وزگەرىس قاراستىرىلعان: قايتا وڭدەۋ ءۇشىن مۇنايدى تىكەلەي جەر قويناۋىن پايدالانۋشىلار، سونداي- اق ولاردىڭ ەنشىلەس ماركەتينگىلىك قۇرىلىمدارى جەتكىزىپ وتىرادى. بۇدان بولەك، مۇناي وڭدەۋ زاۋىتتارىنىڭ مۇنايدى ساتىپ الۋى، مۇناي ونىمدەرىن وتكىزۋ سالاسىنان ءونىمسىز دەلدالداردى شەتتەتۋ ۇسىنىلادى.

اۋىل شارۋاشىلىعى تاۋارىن وندىرۋشىلەردى ارزانداتىلعان ديزەل وتىنىمەن قامتاماسىز ەتۋ ماسەلەسى دە قارالدى. ماسەلەن، وسىنداي وتىن كولەمىنىڭ ماقساتتى ءبولىنۋىن باقىلاۋ ءۇشىن اۋماقتىق بولىنىستە ا ش تء و- ءنىڭ دەرەكتەر بازاسىن قۇرۋ جانە وتىن ءبولۋدىڭ ەلەكتروندىق- اقپاراتتىق جۇيەسىن ەنگىزۋ جوسپارلانىپ وتىر. سونىمەن قاتار ەنەرگەتيكا ءمينيسترى ەلدەن جانار- جاعار ماي اعىنىن شەكتەۋ بويىنشا ۇسىنىلعان شارالاردى اتاپ ءوتتى.

اتاپ ايتقاندا، اۆتوكولىكپەن ج ج م شىعارۋعا سالىنعان تىيىمدى ۇزارتۋ جانە رۇقساتسىز شىعارۋعا جاۋاپكەرشىلىكتى كۇشەيتۋ ماسەلەسى قاراستىرىلىپ جاتىر. كەڭەستى قورىتىندىلاي كەلە، ۇكىمەت باسشىسى ۇسىنىلعان تاسىلدەردى ماقۇلداپ، ەنەرگەتيكا مينيسترلىگىنە ولاردى بارلىق مۇددەلى تاراپپەن بىرگە پىسىقتاۋدى تاپسىردى.


سوڭعى جاڭالىقتار