كاسپي قۇبىرى كونسورتسيۋمى تولىق قۋاتىندا جۇمىس ىستەپ تۇر – مينيستر

بۇل تۋرالى ەنەرگەتيكا ءمينيسترى بولات اقشولاقوۆ ايتتى، دەپ حابارلايدى قازاقپارات ءتىلشىسى.
«كاسپي قۇبىر جەلىسى كونسورتسيۋمىنداعى جۇمىس جالعاسىپ جاتىر. وسى ورايدا، ەكى جىلجىمالى ايلاق قوندىرعىسى ىسكە قوسىلعان، ياعني ءساۋىر ايىنىڭ سوڭىندا جوندەۋ جۇمىستارى اياقتالدى. بۇل ءوز كەزەگىندە مۇناي قۇبىرلارىنىڭ قۋاتتىلىعىن 100 پايىز قامتاماسىز ەتۋگە جەتكىلىكتى. تاعى ءبىر اپاتتى بولعان جىلجىمالى ايلاق قوندىرعىسى جوندەۋدە تۇر. اتاپ ايتقاندا، بۇل قوندىرعى وسىعان دەيىن جوسپارلى جوندەۋگە تاپسىرىلۋى ءتيىس ەدى. سوندىقتان ونداعى جۇمىستار جالعاسادى»، - دەدى ب. اقشولاقوۆ.
مينيستر كاسپي قۇبىر جەلىسى كونسورتسيۋمى تولىق كولەمدە جۇمىس ىستەپ تۇرعانىن ناقتىلادى.
ول ءۇشىن جىلجىمالى ايلاق قوندىرعىسى مامىر ايىندا تولىق جوندەۋدەن وتەتىن بولادى.
بيىل 20- ساۋىردە «قازمۇنايگاز» ۇ ك» ا ق باسقارما ءتوراعاسى ماعزۇم مىرزاعاليەۆ كاسپي قۇبىرى جەلىسى كونسورتسيۋمىنداعى جوندەۋ جۇمىستارى اياقتالۋعا جاقىنداعانىن ايتقان ەدى.
ايتا كەتەيىك، بيىل ءساۋىر ايىنىڭ سوڭىندا كاسپي قۇبىر كونسورتسيۋمى (ك ق ك) جوندەۋدەن كەيىن نوۆوروسسيسك ماڭىنداعى تەڭىز تەرمينالىندا جىلجىمالى ايلاق (ۆ پ ۋ-3) جۇمىسىن قايتا باستادى.