قاسىم-جومارت توقايەۆتى ماجارستانعا ساپارمەن بارۋعا شاقىردى

نۇر-سۇلتان. قازاقپارات - قازاقستان پرەزيدەنتى ماجارستاننىڭ سىرتقى ەكونوميكالىق بايلانىستار جانە سىرتقى ىستەر ءمينيسترى پەتەر سيارتونى قابىلدادى، دەپ حابارلايدى اقوردا.
None
None

كەزدەسۋ بارىسىندا قازاقستان مەن ماجارستاننىڭ ساياسي، ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالالارداعى ستراتەگيالىق ىنتىماقتاستىعىن دامىتۋدىڭ پەرسپەكتيۆالارى تالقىلاندى.

مەملەكەت باسشىسى ماجارستاندىق ديپلوماتقا ءىلتيپات ءبىلدىرىپ، پرەمەر-مينيستر ۆيكتور وربان جەتەكشىلىك ەتەتىن باسقارۋشى «فيدەس» اليانسىن جۋىردا وتكەن پارلامەنتتىك سايلاۋداعى جەڭىسىمەن قۇتتىقتادى.

پەتەر سيارتو ماجارستان باسشىلىعىنىڭ قازاقستان پرەزيدەنتىن بۋداپەشتكە ساپارمەن كەلۋگە شاقىرعانىن ەسكە سالدى.

پەتەر سيارتو قاسىم-جومارت توقايەۆتىڭ باسشىلىعىمەن جاڭا قازاقستاندى قۇرۋ ءۇشىن جۇزەگە اسىرىلىپ جاتقان جۇمىستاردى ۆيكتور ورباننىڭ قولدايتىنىن جەتكىزدى.

ەكى ەل اراسىنداعى ستراتەگيالىق سەرىكتەستىككە تىڭ سەرپىن بەرۋ ءۇشىن مەملەكەت باسشىسى پرەمەر-مينيستر ۆيكتور ورباننىڭ شاقىرۋى بويىنشا ماجارستانعا قارىمتا ساپارمەن بارۋعا دايىن ەكەنىن مالىمدەدى.


سوڭعى جاڭالىقتار