ماجارستاندا قانشا قازاق جاستارى ءبىلىم الىپ ءجۇر

نۇر-سۇلتان. قازاقپارات - ماجارستان جىل سايىن قازاقستان ستۋدەنتتەرى ءۇشىن 250 وقۋ گرانتىن ءبولىپ كەلەدى، دەپ حابارلايدى قازاقپارات ءتىلشىسى.
None
None

ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى ماجارستاننىڭ سىرتقى ەكونوميكالىق بايلانىستار جانە سىرتقى ىستەر ءمينيسترى پەتەر سيارتونىڭ قازاقستانعا جۇمىس ساپارى بارىسىندا وسىنداي مالىمەت كەلتىردى.

«ينۆەستيتسيالىق جوبالار ەنەرگەتيكا، ونىڭ ىشىندە جاڭارتىلاتىن ەنەرگيا كوزدەرى، مۇناي جانە گاز، اۋىل شارۋاشىلىعى، فارماتسيەۆتيكا، كولىك پەن لوگيستيكا سياقتى ماڭىزدى سالالاردا ىسكە اسىپ جاتىر. بۇگىندە استانا حالىقارالىق قارجى ورتالىعىنىڭ الاڭىندا ءوز وكىلدىگىن اشۋ مۇمكىندىگىن قاراستىرىپ وتىرعان ماجارستان كومپانيالارىنىڭ سانى ۇلعايۋدا. سونىمەن قاتار ەكىجاقتى ىنتىماقتاستىقتىڭ ماڭىزدى ەلەمەنتتەرىنىڭ ءبىرى - ءبىلىم سالاسى. قازىرگى تاڭدا ماجارستاندا ەلىمىزدىڭ ءبىر مىڭعا جۋىق ستۋدەنتى ءبىلىم الپ ءجۇر. بۇل ماقساتتا دوستاس مەملەكەت جىل سايىن 250 گرانت ءبولىپ وتىر»، - دەدى س ءى م باسشىسى. سونداي- اق، ول ماجار تىلىندە ءبىلىم الۋعا قىزىعۋشىلىق تانىتاتىن ستۋدەنتتەردىڭ سانى ارتىپ كەلە جاتقانىن اتادى.

«ماجار جوعارى وقۋ ورىندارىندا قازاق ءتىلىن ۇيرەنىپ جۇرگەن ماجار ستۋدەنتتەرىنە دە ريزامىز. بۇل جاستاردىڭ كەلەشەكتە ەلدەرىمىزدى بايلانىستىراتىن «جاندى كوپىرگە» اينالاتىنىنا كۇمان جوق. قازاقستان- ماجار قارىم-قاتىناسىنىڭ اۋقىمى ءبىز كوتەرگەن ماسەلەلەرمەن عانا شەكتەلمەيتىنىنە سەنىمدىمىن. وتكىزگەن كەلىسسوزدەرىمىز ءوزارا ءتيىمدى ىنتىماقتاستىقتى ودان ءارى دامىتۋعا كەڭ ءورىس اشادى. ماجارستاننىڭ سىرتقى ەكونوميكالىق بايلانىستار جانە سىرتقى ىستەر ءمينيسترى پەتەر سيارتو مىرزانىڭ ساپارى ەكىجاقتى، كوپجاقتى فورماتتا نۇر-سۇلتان مەن بۋداپەشت اراسىنداعى ستراتەگيالىق ارىپتەستىك قارىم- قاتىناستى نىعايتۋعا قوسىمشا سەرپىن بەرەدى دەپ ۇمىتتەنەمىن»، - دەدى مۇحتار تىلەۋبەردى.

بۇعان دەيىن قازاقستاننىڭ ماجارستانعا ەكسپورتتايتىن ءونىم قۇنى 15,4 ميلليون دوللارعا جەتكەنىن جازعان ەدىك.

اۆتور: ەسىمجان ناقتىباي

سوڭعى جاڭالىقتار