مەملەكەتتىك تىلدە سويلەسەم، مەنى ءبارى قازاق دەپ قالادى - الەكساندر سون

نۇر- سۇلتان. قازاقپارات - مەملەكەتتىك تىلدە سويلەسەم، مەنى ءبارى قازاق دەپ قالادى.
None
None

شىمكەنت قالاسىنداعى ۇلتتىق ۇلانعا قاراستى 6698-اسكەري بولىمىندە قىزمەت ەتىپ جۇرگەن الەكساندر سون وسىلاي ايتتى، دەپ حابارلايدى قازاقپارات ءتىلشىسى.

الەكساندر سون - تالدىقورعان قالاسىنىڭ تۇلەگى.

الەكساندر مەملەكەتتىك ءتىلدى جاقسى بىلەدى. ويتكەنى ءى. جانسۇگىروۆ اتىنداعى جەتىسۋ ۋنيۆەرسيتەتىندە قازاق ءتىلى مەن ادەبيەتى ءمۇعالىمى ماماندىعى بويىنشا ءبىلىم الدى. اسكەرگە شاقىرىلعانعا دەيىن ءوزىنىڭ التىن ۇيا - مەكتەبىندە قازاق تىلىنەن ءدارىس بەرىپ تە ۇلگەردى.

قاتارداعى جاۋىنگەر ا. پۋشكين عانا ەمەس، ۇلى ابايدىڭ تىلىندە سويلەگەندى ماقتان ەتەدى.

«مەن قازاق تىلىندە سويلەسەم، ءبارى مەنى قازاق دەپ قابىلدايدى. ءبىراق كەيبىرەۋلەرى كوزىمە قاراپ، «كارىس ەمەسسىڭ بە؟» دەپ سۇراستىرىپ جاتادى. مەنىڭ ويىمشا، قازاق ەلىندە تۇرعاننان كەيىن كىم- كىمنىڭ دە مەملەكەتتىك ءتىلدى مەڭگەرگەنى ءجون. ودان سول ادامنىڭ ابىرويى ارتا تۇسپەسە، كەمىمەيدى. قايتا ۇلتارالىق بىرلىكتى نىعايتۋ ءۇشىن وتە قاجەت. بولاشاقتا ۇلتتىق ۇلان قاتارىندا قىزمەت ەتۋدى جالعاستىرىپ، قازاق ءتىلىنىڭ اسكەر اراسىندا كەڭىنەن تارالۋىنا ءوز ۇلەسىمدى قوسسام دەيمىن»، دەيدى ا. سون شىنايى كوڭىلمەن.

ق ر ۇلتتىق ۇلانى باسپا ءسوز قىزمەتىنەن تۇسكەن مالىمەتكە قاراعاندا، شىمكەنتتە 6506-اسكەري ءبولىمى دە بار.

اتالمىش ءبولىم جاۋىنگەرلەرى پوليتسيا قىزمەتكەرلەرىمەن بىرگە كوشە تىنىشتىعىن كۇزەتەدى. كۇن سايىن قوعامدىق ءتارتىپتى قامتاماسىز ەتۋگە جۇزدەن استام سارباز شىعادى.

جالپى، شىمكەنتتە 15 وڭىردەن وننان استام ۇلت وكىلدەرى ازاماتتىق بورىشىن وتەپ ءجۇر.

اۆتور ەلجان ەرالى


سوڭعى جاڭالىقتار