بۇل مەرەكە - ەلىمىزدىڭ تۇتاستىعى مەن ىرىس- ىنتىماعىنىڭ سيمۆولى - قاسىم- جومارت توقايەۆ

نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ قازاقستان حالقىن بىرلىك كۇنى مەرەكەسىمەن قۇتتىقتايدى، دەپ حابارلايدى اقوردانىڭ باسپا ءسوز قىزمەتى.
None
None

قازاقپارات وقىرمان نازارىنا مەملەكەت باسشىسىنىڭ قۇتتىقتاۋىنىڭ تولىق ءماتىنىن ۇسىنادى.

***

قىمباتتى وتانداستار! سىزدەردى قازاقستان حالقىنىڭ بىرلىگى مەرەكەسىمەن شىن جۇرەكتەن قۇتتىقتايمىن!

مامىردىڭ وسى مامىراجاي مەرەكەسى - ەلىمىزدىڭ تۇتاستىعى مەن ىرىس- ىنتىماعىنىڭ سيمۆولى. دوستىق پەن ءوزارا تۇسىنىستىك داستۇرلەرى حالقىمىزدىڭ سانا- سەزىمىندە بەرىك ورنىققان.

بۇل قاسيەتتەر بەرەكەلى ءومىردىڭ، بەيبىتشىلىك پەن كەلىسىمنىڭ وزەگى بولىپ وتىر. تاعدىردىڭ جازۋىمەن كەڭ بايتاق قازاق جەرىندە توعىسقان ءار الۋان مادەنيەتتەر تۇتاسا كەلە ۇلتتىق بىرەگەيلىگىمىزدىڭ اجىراماس بولىگىنە اينالدى. ءبىزدىڭ ماقساتىمىز ءبىر، قۇندىلىقتارىمىز ورتاق. مىزعىماس بىرلىكتىڭ ارقاسىندا قيىندىقتان قايمىقپاي، جاھاندىق سىن- قاتەردىڭ ءبارىن ەڭسەرىپ كەلەمىز.

بۇگىندە جاڭا قازاقستاندى قۇرۋ باستاماسى بۇكىل قوعامدى ۇيىستىرۋدا. بۇل يدەيا ەل ازاماتتارىنىڭ جاسامپازدىق قۋاتىنان باستاۋ الادى. مەملەكەتىمىزدى جان- جاقتى جاڭعىرتۋعا ءارقايسىمىز ءوز ۇلەسىمىزدى قوسۋىمىز كەرەك. بارشاڭىزعا زور دەنساۋلىق، تولاعاي تابىس تىلەيمىن! اسپانىمىز ءاردايىم اشىق بولسىن!

سوڭعى جاڭالىقتار