بەيجىڭ بيلىگى مامىر مەرەكەلەرى كەزىندە سانيتارلىق تالاپتاردى كۇشەيتتى

سانيتارلىق شارالار كولىك نىساندا، سپورت جانە كورمە كەشەندەرى، مادەنيەت جانە سپورت، ساۋدا، قوعامدىق تاماقتاندىرۋ وبەكتىلەرى نىساندارىندا، قوناقۇيلەر، مەملەكەتتىك ۇيىمدار جانە مەديتسينالىق مەكەمەلەردە ەنگىزىلگەن. قالالىق اۋرۋلاردى قاداعالاۋ جانە الدىن الۋ ورتالىعى باسشىسىنىڭ ورىنباسارى پان سينحو قىتاي استاناسىنىڭ تۇرعىندارى مامىر مەرەكەلەرى كەزىندە قوعامدىق ورىندارعا كىرۋى ءۇشىن قولدارىندا 48 ساعاتتان ەرتە ەمەس تاپسىرىلعان پ ت ر تەستىسىنىڭ تەرىس ناتيجەسى جانە ارنايى QR- كود بولۋى ءتيىس ەكەنىن ايتتى.
5 - مامىردان باستاپ بەيجىڭ تۇرعىندارى مەن قوناقتارى قوعامدىق ورىندارعا كىرۋ جانە قوعامدىق كولىككە مىنەر كەزدە سوڭعى جەتى كۇنگە جارامدى پ ت ر سىناماسىن ۇسىنۋى كەرەك.
مامىر مەرەكەلەرى كەزىندە كوروناۆيرۋس جۇقتىرعانداردىڭ ەڭ كوپ سانى انىقتالعان قالالىق چاويان ىسكەرلىك اۋدانىنىڭ تۇرعىندارى COVID-19 ۆيرۋسىنا جاپپاي تەستىلەۋدىڭ ءۇش كەزەڭىنەن قايتا ءوتۋى ءتيىس.
قالا بيلىگىنىڭ مالىمەتىنشە، 3 - مامىردان باستاپ بەيجىڭدە كوروناۆيرۋسقا پ ت ر تەست تەگىن جۇرگىزىلەدى.
مەرەكەدەن كەيىن ستۋدەنتتەر مەن كاسىپورىن قىزمەتكەرلەرى جۇمىسقا نەمەسە وقۋعا بارۋ ءۇشىن تەرىس پتر تەرىس ناتيجەسىن كورسەتۋى ءتيىس. سوڭعى تاۋلىكتە بەيجىڭدە كوروناۆيرۋس جۇقتىرۋدىڭ 54 جاڭا وقيعاسى تىركەلدى.
22 - ساۋىردەن بەرى قىتاي استاناسىندا 280-نەن استام ادام COVID-19 ينفەكتسياسىن جۇقتىرعان.
رەسمي ستاتيستيكاعا سايكەس، وتكەن تاۋلىكتە قۇرلىقتىق قىتايدا كوروناۆيرۋس ينفەكسياسىن جۇقتىرۋدىڭ 10,7 مىڭ جاعدايى تىركەلدى. ءوز كەزەگىندە، وتكەن تاۋلىكتە ەلدە بىرنەشە اپتا بويى اۋرۋعا شالدىعۋدىڭ ەڭ جوعارى رەسمي كورسەتكىشى تىركەلگەن شانحايدا COVID-19 ينفەكتسياسىنىڭ 10,1 مىڭنان استام جاعدايى انىقتالدى.