وندىرىستەگى وقىس وقيعالاردى ازايتاتىن پيلوتتىق جوبا ىسكە قوسىلدى

نۇر-سۇلتان. قازاقپارات - توتەنشە جاعدايلار مينيسترلىگى مەن «قازمىرىش» ج ش س ونەركاسىپتىك قاۋىپسىزدىكتى باقىلايتىن سيفرلىق جوبانى ىسكە قوستى، دەپ حابارلايدى قازاقپارات.
None
None

ۆەدومستۆونىڭ مالىمەتىنشە، پيلوتتىق جوبا كاسىپورىننىڭ قاۋىپتى وندىرىستىك نىساندارىنداعى ونەركاسىپتىك قاۋىپسىزدىكتىڭ جاي-كۇيىن «ونەركاسىپتىك قاۋىپسىزدىك ينسپەكتورى» اقپاراتتىق جۇيەسىنە ورنالاستىرادى.

بۇل مەتاللۋرگتەر مەن كەنشىلەردىڭ وندىرىستىك الاڭدارىندا قاۋىپسىزدىك مونيتورينگىن ونلاين رەجيمدە جۇزەگە اسىرۋعا مۇمكىندىك بەرەدى.

«اقپاراتتىق جۇيە قاۋىپتى وندىرىستىك نىسانداردا مەملەكەتتىك قاداعالاۋدىڭ نەگىزگى مىندەتىن ىسكە اسىرۋعا، ادام ءومىرى مەن دەنساۋلىعىن قورعاۋدى قامتاماسىز ەتۋگە، وندىرىستەگى اۆاريالىق جاعدايلاردىڭ، وقىس وقيعالاردىڭ جانە جاراقاتتانۋدى بارىنشا ازايتۋعا جانە بولدىرماۋعا مۇمكىندىك بەرەدى»، - دەلىنگەن حابارلامادا.

ايتا كەتەيىك، بيىلعى ءبىرىنشى توقساندا قاۋىپتى وندىرىستىك وبەكتىلەرگە 446 تەكسەرۋ جۇرگىزىلدى، ونىڭ ىشىندە 218 ءى ەرەكشە ءتارتىپ بويىنشا، 228 ءى جوسپاردان تىس جۇزەگە استى.

سوڭعى جاڭالىقتار