وتانداستار قورىنىڭ باسشىسى تاعايىندالدى

نۇر-سۇلتان. قازاقپارات - ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى «وتانداستار قورى» ك ە ا ق ۇجىمىنا جاڭا باسشىسىن تانىستىردى.
None
None

قور ديرەكتورلار كەڭەسىنىڭ شەشىمىمەن ابزال ساپاربەك ۇلى وسى ۇيىمنىڭ پرەزيدەنتى بولىپ تاعايىندالدى، دەپ حابارلايدى قازاقپارات ۆەدومستۆوعا سىلتەمە جاساپ.

ابزال ساپاربەك ۇلى بۇعان دەيىن قازاقستاننىڭ تۇركياداعى ەلشىسى بولعان.

2000-جىلدان باستاپ ق ر سىرتقى ىستەر مينيسترلىگىنىڭ قۇرىلىمىندا جۇمىس ىستەدى، سونداي-اق تۇركى تىلدەس ەلدەردىڭ ىنتىماقتاستىعى جونىندەگى ۇلتتىق كومپانيالار مەن حالىقارالىق ۇيىمداردا جۇمىس تاجىريبەسى بار.

مينيستر مۇحتار تىلەۋبەردى شەت مەملەكەتتەردەگى جانە ەلگە كەلگەن ەتنيكالىق قازاقتاردى قولداۋدى قامتاماسىز ەتۋ قاجەتتىگىنە نازار اۋداردى.

«ءبىز قانداستارىمىزعا جان-جاقتى كومەك پەن قولداۋ كورسەتۋ، شەتەلدەگى قازاق دياسپوراسىنىڭ الەۋمەتتىك-ەكونوميكالىق، مادەني جانە ءبىلىم بەرۋ قاجەتتىلىكتەرىن قاناعاتتاندىرۋ ءۇشىن بەلسەندى جۇمىس ىستەۋىمىز قاجەت»، - دەدى س ءى م باسشىسى.

سوڭعى جاڭالىقتار