حالقىمىز قاڭتار قاسىرەتىنەن ساباق الا ءبىلۋى كەرەك - پرەزيدەنت

نۇر-سۇلتان. قازاقپارات - حالقىمىز قاڭتار قاسىرەتىنەن ساباق الا ءبىلۋى كەرەك.
None
None

بۇل تۋرالى قازاقستان حالقى اسسامبلەياسىنىڭ «ەل بىرلىگى - جاڭارعان قازاقستاننىڭ تىرەگى» اتتى 31-سەسسياسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«اسسامبلەيا سەسسياسىن قازاقستان حالقىنىڭ بىرلىگى كۇنى قارساڭىندا وتكىزۋ يگى داستۇرگە اينالدى. مۇنىڭ زور سيمۆولدىق ءمانى بار. بىرلىك، تاتۋلىق جانە بەيبىتشىلىك - ءبىزدىڭ مىزعىماس قۇندىلىقتارىمىز. ونىڭ ايرىقشا ماڭىزدى ەكەنىن قاڭتار وقيعالارى كەزىندە ايقىن سەزىندى»، - دەپ اتاپ ءوتتى مەملەكەت باسشىسى.

ق ر پرەزيدەنتى قازىر قاتەرلى كۇندەر ارتتا قالعانىنا نازار اۋدارتتى.

«سول كەزدە قانداي قاۋىپپەن بەتپە-بەت كەلگەنىمىزدى ۋاقىت وتكەن سايىن ۇعىنا تۇسەمىز. شىن مانىندە، ءبىز مەملەكەتتىلىگىمىزدى جوعالتىپ الا جازدادىق. حالقىمىز قاڭتار قاسىرەتىنەن ساباق الا ءبىلۋى كەرەك. ەندى ونداي جاعداي قايتالانباۋى ءۇشىن قولدان كەلگەننىڭ ءبارىن جاساۋعا ءتيىسپىز. الدا كوپ جۇمىس بار»، - دەدى قاسىم-جومارت توقايەۆ.

وسىعان دەيىن ق ر پرەزيدەنتى توراعالىعىمەن قازاقستان حالقى اسسامبلەياسىنىڭ 31-سەسسياسى اشىلعانىن جازدىق.

اۆتور: مارلان جيەمباي


سوڭعى جاڭالىقتار