ءاليحان سمايىلوۆ ەۋروپالىق دامۋ جانە قايتا قۇرۋ بانكىمەن كەلىسسوز جۇرگىزدى

ونلاين- كەزدەسۋ بارىسىندا تاراپتار قازاقستانداعى قازىرگى جاعدايدى جانە ق ر ۇكىمەتىنىڭ بانك سەكتورىنا قاتىستى قىسقا مەرزىمدى ءىس- قيمىل جوسپارىن تالقىلادى.
ق ر پرەمەر- ءمينيسترى تەڭگەگە دەگەن سەنىمدى ساقتاۋ جانە قارجىلىق تۇراقتىلىقتى قامتاماسىز ەتۋ ماقساتىندا ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگى جۇزەگە اسىرعان شارالار تۋرالى ايتىپ بەردى.
قازاقستاننىڭ بانك سەكتورىنىڭ ەلەۋلى كاپيتال قورى بار ەكەندىگى اتاپ ءوتىلدى، بۇل تەرىس فاكتورلارعا قاراماستان بانكتەرگە تۇراقتىلىقتى ساقتاۋعا مۇمكىندىك بەرەدى. ماسەلەن، وسى جىلدىڭ باسىنان بەرى بانكتەردىڭ جيىنتىق اكتيۆتەرى 148 ميلليارد تەڭگەگە (%0,4) 37,8 تريلليون تەڭگە كورسەتكىشىنە دەيىن ءوستى. مەنشىكتى كاپيتال 96 ميلليارد تەڭگەگە (%2,1) ءوسىپ، 4,6 تريلليون تەڭگەنى قۇرادى.
كەزدەسۋ قورىتىندىسى بويىنشا تاراپتار ىسكە اسىرىلىپ جاتقان جوبالار مەن ىنتىماقتاستىقتىڭ باسقا دا باعىتتارى بويىنشا بەلسەندى ءوزارا ءىس-قيمىلدى جالعاستىرۋعا كەلىستى.