قازاقستاندا ۋرال موتوسيكلى شىعارىلادى

نۇر-سۇلتان. قازاقپارات - قازاقستاندا ۋرال موتوسكلىن قۇراستىرۋ قولعا الىنادى.
None
None

بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگى يندۋستريالدىق دامۋ كوميتەتى ءتوراعاسىنىڭ ورىنباسارى ولجاس ساپاربەكوۆ ءمالىم ەتتى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ول رەسەيلىك ءوندىرۋشىنىڭ قازاقستاندا ءوندىرىس وشاعىن اشۋعا شەشىم قابىلداعانىن جاريا ەتتى.

ءبىراق، رەسەيلىك ينۆەستور رەسەي فەدەراتسياسىنداعى جۇمىسىن دا جالعاستىرا بەرەدى. قازاقستاندا شىعارىلعان موتوسيكلدەر ەكسپورتقا دا شىعادى. بۇعان دەيىن الەۋمەتتىك جەلىدە Ural موتوسيكلدەرى ءوندىرىسىنىڭ پەتروپاۆلعا كوشىرىلەتىنى تۋرالى اقپارات تاراپ، كەيىننەن سولتۇستىك قازاقستان وبلىسىنىڭ اكىمدىگى اتالعان كومپانيا وكىلدەرىنىڭ پەتروپاۆل قالاسىنا كەلىپ، مەملەكەتتىك ورگاندارعا جۇگىنبەگەنىن جاريا ەتكەن بولاتىن.

«مەملەكەتتىك ورگاندارمەن كەزدەسۋلەر وتكىزىلگەن جوق. مەملەكەتتىك قولداۋ شارالارى ءالى قولدانىلعان جوق. اقپارات جاقىندا جاڭارتىلادى. جالپى، سولتۇستىك قازاقستان وبلىسى جاڭا وندىرىستەر اشۋعا ينۆەستورلاردىڭ ۇسىنىستارىن قاراۋعا ءارقاشان دايىن. سونىڭ ىشىندە «Qyzyljar» ارنايى ەكونوميكالىق ايماعىنىڭ اۋماعىندا»، - دەپ تۇسىندىرگەن ەدى وبلىس اكىمىنىڭ باسپا ءسوز قىزمەتى.

سوڭعى جاڭالىقتار