ۇكىمەت جەڭىلدەتىلگەن اۆتونەسيە باعدارلاماسىن بەكىتتى

نۇر- سۇلتان. قازاقپارات - قازاقستان ۇكىمەتى جەڭىلدەتىلگەن اۆتونەسيە باعدارلاماسىن بەكىتتى.
None
None

بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگى يندۋستريالدىق دامۋ كوميتەتى ءتوراعاسىنىڭ ورىنباسارى ولجاس ساپاربەكوۆ ءمالىم ەتتى، دەپ حابارلايدى قازاقپارات ءتىلشىسى.

«قازىرگى ۋاقىتتا جەڭىلدەتىلگەن اۆتونەسيە باعدارلاماسىن جۇزەگە اسىرۋ ءۇشىن «جاسىل دامۋ» اق- دان قاجەتتى قاراجاتتى اۋدارۋعا بايلانىستى پروتسەدۋرالار جۇرگىزىلىپ جاتىر»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ اتاپ وتۋىنشە، ەلىمىزدە 2015 -جىلدان بەرى جەڭىلدەتىلگەن اۆتونەسيە باعدارلاماسى جۇمىس ىستەيدى. 2021 -جىلدىڭ مامىرىنا دەيىن 82 ميلليارد تەڭگە بولىگىپ، وسى جىلدىڭ 31 -ناۋرىزىنداعى دەرەكتەرگە سايكەس، اتالعان سوماعا 30 مىڭ كولىك ساتىپ الىندى جانە 162 ميلليارد تەڭگەگە زايم بەرىلدى.

«جەڭىلدەتىلگەن اۆتونەسيە الۋعا نيەت تانىتۋشىلار تاراپىنان سۇرانىستىڭ جوعارى ەكەندىگىن ەسكەرە وتىرىپ، ەكىنشى دەڭگەيلى بانكتەر جاڭا وتىنىمدەر قابىلداپ جاتىر. ءبىراق، قاراجات ولاردىڭ بوساۋىنا وراي بەرىلەتىن بولادى. باعدارلاما حالىق بانك، ەۋرازيالىق بانك، J‎san Bank, سەنتركرەديت بانك جانە فورتە بانك سىندى ەكىنشى دەڭگەيلى بانكتەر ارقىلى جۇزەگە اسىرىلادى»، - دەدى كوميتەت ءتوراعاسىنىڭ ورىنباسارى.

ولجاس ساپاربەكوۆتىڭ ايتۋىنشا، قازاقستان ۇكىمەتى 2022 -جىلدىڭ 15-ساۋىرىندە №227 قاۋلى قابىلدادى. اتالعان قۇجات اۆتونەسيە باعدارلاماسىن 100 ميلليارد تەڭگە تولشەرىندە قارجىلاندىرۋدى قاراستىرادى. سونىمەن قاتار «جاسىل دامۋ» اق قاراجاتى ەسەبىنەن 30 ميلليارد تەڭگە اۆتوبۋس پاركىن جاڭارتۋعا جۇمسالادى. باعدارلامانىڭ نەگىزگى شارتتارى مىناداي:

- ءبىر جەڭىل اۆتوكولىكتى قارجىلاندىرۋ سوماسى 10 ميلليون تەڭگەدەن اسپايدى؛

- ءبىر زاەمشى ەكى جىلدىڭ ىشىندە ءبىر رەت قانا اۆتوكولىكتى جەڭىلدەتىلگەن نەسيەمەن الا الادى؛

- قارجىلاندىرۋ مەرزىمى 7 جىلدان اسپايدى؛

- باستاپقى جارناسى %0؛

- كولىك قۇرالىنىڭ قۇنى 15 ميلليون تەڭگەدەن اسپاۋى قاجەت.

سوڭعى جاڭالىقتار