مينيستر كوروناۆيرۋستىڭ قازاقستاندا قايتا ءورشۋ ىقتيمالدىعى تۋرالى ءوز پايىمىن ايتتى

نۇر-سۇلتان. قازاقپارات - ق ر دەنساۋلىق ساقتاۋ ءمينيسترى اجار عينيات سەنات قابىرعاسىندا ب ا ق وكىلدەرىنىڭ ساۋالدارىنا جاۋاپ بەرۋ كەزىندە كوروناۆيرۋس پاندەمياسىنىڭ قازاقستاندا قايتا ءورشۋ ىقتيمالدىعى تۋرالى پايىمىن ايتتى، دەپ حابارلايدى قازاقپارات ءتىلشىسى.
None
None

«بۇل كوروناۆيرۋستىڭ جاڭا شتامدارىنىڭ، جاڭا مۋتاتسيالاردىڭ تۋىنداۋىنا بايلانىستى. قازىر قىتايدا وميكرون مەن «ستەلس- وميكرون» ءورشىپ تۇر. تاۋلىگىنە 30 مىڭ ادام اۋىرىپ جاتىر. بۇل ەلدە قاتاڭ شارالار قابىلدانۋدا. ول جاقتاعى احۋالدى دا باقىلاپ وتىرمىز. اي سايىن ۆيرۋستىڭ بار ەكەنىن راستاعان سىنامالاردىڭ ىشىندە «وميكرون» مەن جاڭا قوسالقى تۇرلەر بار ما دەگەندى قاداعالايمىز. دياگنوستيكا بار. باقىلاپ وتىرمىز. ەگەر كوروناۆيرۋستىڭ قانداي دا ءبىر جاڭا ءتۇرى ەلگە كىرسە، ول بىزدە قالىپتاسىپ ۇلگەرگەن ۇجىمدىق يممۋنيتەتتىڭ ارقاسىندا سالقىن تيۋ سياقتى ءوتۋى مۇمكىن»، - دەدى اجار عينيات.

سونداي-اق، ول كوروناۆيرۋستىڭ جاڭا شتامى قانشالىقتى قاۋىپتى ەكەنىن كەسىپ ايتۋ قيىن ەكەنىن جەتكىزدى. ايتۋىنشا، دۇنيەجۇزىلىك دەنساۋلىق ساقتاۋ ۇيىمى مونيتورينگ جۇرگىزىپ، زەرتتەۋلەر جاساپ جاتىر.

«د د ۇ باسشىسى الەمدە احۋال اركەلكى ەكەنىن ايتىپ وتىر. بۇكىل الەم ءالىپتىڭ ارتىن باعۋدا. پاندەميا ءالى اياقتالعان جوق»، - دەدى دەنساۋلىق ساقتاۋ ءمينيسترى.

اۆتور: ەسىمجان ناقتىباي


سوڭعى جاڭالىقتار