13:12, 28 - ءساۋىر 2022 | GMT +5
قاسىم-جومارت توقايەۆ ق ح ا اتىنان ۇسىنىلاتىن ءماجىلىس دەپۋتاتىن سايلاۋعا قاتىستى
نۇر-سۇلتان. قازاقپارات - قاسىم-جومارت توقايەۆ قازاقستان حالقى اسسامبلەياسىنىڭ XXX سەسسياسى اياسىندا ق ر پارلامەنتى ءماجىلىسىنىڭ شىعىپ قالعان دەپۋتاتىنىڭ ورنىنا ق ح ا اتىنان ۇسىنىلاتىن دەپۋتاتتى سايلاۋعا قاتىسىپ، داۋىس بەردى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.
پرەزيدەنت داۋىس بەرگەننەن كەيىن دەپۋتاتتىققا ۇمىتكەرلەردىڭ سەنىمدى وكىلدەرىمەن اڭگىمەلەستى. مەملەكەت باسشىسى الداعى ۋاقىتتا كونستيتۋتسياعا وزگەرىس ەنگىزىلەتىندىكتەن مۇنداي فورماتتاعى سايلاۋ سوڭعى رەت ءوتىپ جاتقانىن اتاپ ءوتتى.
- ءبىراق ءبىزدىڭ پارلامەنتتە قازاقستان حالقى اسسامبلەياسىنىڭ ءتيىستى ورىندارى ساقتالادى، - دەدى قاسىم-جومارت توقايەۆ. بۇعان دەيىن مەملەكەت باسشىسى قازاقستان حالقىنا ارناعان جولداۋىندا كونستيتۋتسياعا وزگەرتۋلەر ەنگىزۋدى ۇسىنعان بولاتىن. وسى رەتتە ق ح ا كۆوتاسى ماجىلىستەن سەناتقا اۋىستىرىلىپ، دەپۋتاتتار سانى 9-دان 5-كە دەيىن قىسقارادى.
