قازاقستاندىق تەننيسشى ميۋنحەندە وليمپيادا چەمپيوندارىن ۇتتى

نۇر-سۇلتان. قازاقپارات - قازاقستاندىق اندرەي گولۋبيەۆ جۇپتىق سىندا ميۋنحەن (گەرمانيا) ATP 250 تۋرنيرىنىڭ شيرەك فينالىنا شىقتى، دەپ حابارلايدى قازاقپارات ءتىلشىسى.
None
None

ا. گولۋبيەۆ فرانسيالىق فابريس مارتەنمەن بىرگە العاشقى اينالىمدا وسى جارىستىڭ 1-راكەتكالارى، توكيو وليمپياداسىنىڭ جانە 2021-جىلعى ۋيمبلدون تۋرنيرىنىڭ چەمپيوندارى، حورۆاتيالىقتار نيكولا مەكتيچ - ماتە پاۆيچپەن شەبەرلىك بايقاستى.

قازاقستاندىق-فرانسيالىق جۇپ ساعات جارىمعا جۋىق ۋاقىتقا سوزىلعان ماتچتا 6:4، 7:5 ەسەبىمەن جەڭىسكە جەتتى.

ولار 1 ەيس جاساپ، 5 برەيك-پوينتتىڭ ۇشەۋىن پايدالاندى.

ا. گولۋبيەۆ پەن ف. مارتەن جالپى جۇلدە قورى 600 مىڭ ەۋروعا جۋىقتايتىن دودانىڭ جارتىلاي فينالىنا شىعۋ ءۇشىن سەربيالىقتار يۆان جانە ماتەي شابانوۆتارمەن تالاسادى.

ەسكە سالا كەتەيىك، بۇدان بۇرىن تەننيستەن قازاقستان جاس وسپىرىمدەر قۇراماسىنىڭ گونكونگپەن وينايتىنىن جازعان بولاتىنبىز.

سوڭعى جاڭالىقتار