جانىبەك ءالىمحان ۇلىن ۇلى بريتانياعا شاقىردى

نۇر-سۇلتان. قازاقپارات - را وكۋم دەگەن بريتانيالىق جۋرناليست جانىبەك ءالىمحان ۇلىنا (11-0، 7 ك و) چەمپيوندىق بەلبەۋىن قورعاۋ ءۇشىن تۇماندى البيوندا قولعاپ تۇيىستىرۋگە شاقىردى، دەپ حابارلايدى Vesti.kz ءتىلشىسى.

نەگىزى وتانداسىمىز بريتانيالىق دەنني ديگنۋممەن (14-0-1، 8 ك و) جۇدىرىقتاسادى. الايدا جۋرناليست ديگنۋمعا ەمەس، تىكەلەي قازاق بوكسشىسىنا قاراتا مالىمدەمە جاسادى.

«ەگەر ءسىز چەمپيون بولساڭىز، تيتۋلىڭىزدى ۇلى بريتانيادا قورعاڭىز. ءبىز جاقتا ورتا سالماقتىڭ مىقتى جىگىتتەرى بار. انگلياعا كەلسەڭىز فۋتبول ستاديونىن جانكۇيەرگە تولتىرامىز»، - دەگەن وكۋمنىڭ ۇسىنىسىنا جانىبەك كەلىسىمىن بەردى.

ەسكە سالايىق، ءالىمحان ۇلى مەن ديگنۋم اراسىنداعى ايقاس 21- مامىر كۇنى لاس-ۆەگاستا (نيەۆادا، ا ق ش) وتەدى.