نازاربايەۆتىڭ مەملەكەت نەگىزىن قالاۋداعى مارتەبەسى تۋرالى نورما بۇرىننان بار - قوشانوۆ
ءماجىلىستىڭ باسپا ءسوز الاڭىندا ەرلان قوشانوۆ ب ا ق وكىلدەرىنىڭ نۇرسۇلتان نازاربايەۆتىڭ كونستيتۋتسياعا مەملەكەتتىڭ نەگىزىن قالاۋشى تۇلعا رەتىندە ەنۋى تۋرالى ساۋالدارىنا جاۋاپ بەردى.
«مەملەكەتتىڭ نەگىزىن قالاۋشى دەگەن كونستيتۋتسيادا بولادى. ول نەگىزى بار. ول نورما ساقتالىپ قالدى، تەك شامالى ناقتىلاندى. ول جەردەن «ەلباسى دەگەن» ءسوز الىنىپ تاستالدى، - دەدى ءماجىلىس سپيكەرى. سونداي- اق، ول اتالعان نورماعا قاتىستى حالىقتىڭ وي- پىكىرى قالاي ەسكەرىلۋى مۇمكىن ەكەنىن دە ايتىپ ءوتتى.
«ەندى ول رەفەرەندۋم بولا ما، پارلامەنت ارقىلى وتە مە، بولاشاقتا شەشىلەتىن ماسەلە. قازىر كونستيتۋتسيالىق كەڭەستەن سول ءراسىمدى ءبىز وتكىزۋىمىز كەرەك. زاڭنامادا ەكس- پرەزيدەنت تۋرالى نورما بار. ءبىرىنشى پرەزيدەنتكە دە سول نورما قاتىستى بولادى»، - دەدى ەرلان قوشانوۆ.
بۇعان دەيىن كونستيتۋتسيالىق كەڭەستىڭ اپپارات جەتەكشىسى باقىت نۇرمۇحانوۆ تۇڭعىش پرەزيدەنتتىڭ اتا زاڭداعى مارتەبەسى تۋرالى ايتىپ بەرگەن ەدى.
اۆتور: ەسىمجان ناقتىباي
