ەرلان قوشانوۆ تۇڭعىش پرەزيدەنت تۋرالى زاڭ قاشان كۇشىن جوياتىنىن ايتتى

نۇر- سۇلتان. قازاقپارات – ق ر پارلامەنتى ءماجىلىسىنىڭ ءتوراعاسى ەرلان قوشانوۆ تۇڭعىش پرەزيدەنت تۋرالى زاڭ قاشان كۇشىن جوياتىنىن ايتتى، دەپ حابارلايدى قازاقپارات ءتىلشىسى.
None
None

«كونستيتۋتسياعا ەنگىزىلەتىن وزگەرىستەر قازىر كونستيتۋتسيالىق كەڭەستە. پرەزيدەنت ارنايى جيىن وتكىزگەنىن بىلەسىزدەر. سول جيىندا ءبارىن تالقىلاپ، جۇمىس توبىنىڭ ەسەبىن تىڭدادى، سودان كەيىن كونستيتۋتسيالىق كەڭەسكە جىبەردى. كونستيتۋتسيالىق كەڭەس سول جوبانى جاريالادى. جۇمىس توبى قانداي باپتار ۇسىنىپ وتىرعانىن جاقسى بىلەسىزدەر. سونىڭ ىشىندە قازىر ءسىز سۇراپ وتىرعان باپ ەلباسىنىڭ مارتەبەسى تۋرالى عوي. بۇل جەردە ەلباسىنىڭ مارتەبەسى، ارتىقشىلىقتارى الىنىپ تاستالدى. تەك قانا وسى مەملەكەتتىڭ نەگىزىن قالاۋشى دەگەن تاريحي ءرولى عانا سول كونستيتۋتسيادا قالدى. ال بۇل نورما قابىلدانعاننان كەيىن تۇڭعىش پرەزيدەنت تۋرالى كونستيتۋتسيالىق زاڭ كۇشىن جويادى دەپ كۇتىلۋدە»، - دەدى ءماجىلىس سپيكەرى ب ا ق وكىلدەرىنە باسپا ءسوز الاڭىندا بەرگەن سۇحباتىندا.

«كونستيتۋتسياداعى ەكس- پرەزيدەنت تۋرالى نورما بۇرىنعى پرەزيدەنتكە قانداي قۇزىرەتتەر بەرەدى؟» دەپ سۇرادى ب ا ق وكىلدەرى.

«بىرىنشىدەن، ار- نامىسى مەن ابىرويىن قورعاۋعا قۇزىرەت بەرەدى. ەكىنشىدەن، الەۋمەتتىك جاعىنان قورعاۋ، زەينەتاقىسى بار، كولىگى بار، كۇزەتى بار، وسى ماسەلەلەردى قامتاماسىز ەتۋ مەملەكەت تاراپىنان. وسىنداي قۇزىرەت بەرىلەدى»، - دەدى ەرلان قوشانوۆ.

بۇعان دەيىن كونستيتۋتسيالىق كەڭەستىڭ اپپارات جەتەكشىسى باقىت نۇرمۇحانوۆ تۇڭعىش پرەزيدەنتتىڭ اتا زاڭداعى مارتەبەسى تۋرالى ايتىپ بەرگەن ەدى.

اۆتور: ەسىمجان ناقتىباي


سوڭعى جاڭالىقتار