رايىمبەك باتالوۆ پرەزيدەنتتى ۇ ك پ- نى ترانسفورماتسيالاۋ جولدارىمەن تانىستىردى

نۇر- سۇلتان. قازاقپارات - پرەزيدەنت «اتامەكەن» ۇلتتىق كاسىپكەرلەر پالاتاسى پرەزيديۋمىنىڭ ءتوراعاسى رايىمبەك باتالوۆتى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.
None
None

قاسىم- جومارت توقايەۆقا ۇ ك پ- نى ترانسفورماتسيالاۋ جولدارى تانىستىرىلدى. رايىمبەك باتالوۆ بيىلعى اقپان ايىندا وتكەن كاسىپكەرلەر پالاتاسىنىڭ كەزەكتەن تىس سەزىندە ميكرو جانە شاعىن بيزنەستى قولداۋعا ءمان بەرە وتىرىپ، مەكەمەنىڭ قىزمەتىن ترانسفورماتسيالاۋ تۋرالى شەشىم قابىلدانعانى تۋرالى ايتتى. سونداي- اق «اتامەكەن» باسشىسى الماتىدا شاعىن جانە ورتا بيزنەستى دامىتۋ باعدارلاماسىنىڭ جۇزەگە اسىرىلۋى جونىندە مالىمەت بەردى. مەملەكەت باسشىسىنا سالالىق ساراپتامانىڭ ساپاسى مەن جاۋاپكەرشىلىگىن ارتتىرۋ ءۇشىن بيزنەستى جۇمىلدىرۋ جونىندەگى ۇ ك پ- نىڭ جوسپارى تانىستىرىلدى.

اتاپ ايتقاندا، پالاتا مەملەكەتتىك ورگانداردىڭ باعدارلامالىق قۇجاتتارى مەن بۇيرىقتارىنا قاتىستى جوبالاردى بيزنەسپەن بىرگە تالقىلاپ، اپروباتسيادان وتكىزۋگە نيەتتى. بۇل مەملەكەت پەن بيزنەستىڭ ءوزارا كونسترۋكتيۆتى ىقپالداستىعىن نىعايتۋعا مۇمكىندىك بەرەدى. كەزدەسۋ بارىسىندا بيزنەسكە جاسالاتىن زاڭنامالىق دەڭگەيدەگى قىسىمدى ازايتۋعا، سوت پەن پروكۋراتۋرا ورگاندارىنىڭ بيزنەستى قورعاۋ جونىندەگى تيىمدىلىگىن ارتتىرۋعا ەرەكشە نازار اۋدارىلدى.

قاسىم- جومارت توقايەۆ پالاتانىڭ بيزنەس پەن بيلىك اراسىنداعى ىقپالداستىقتىڭ التىن كوپىرى بولۋعا ءتيىس ەكەنىن ەرەكشە اتاپ ءوتىپ، «اتامەكەننىڭ» قىزمەتىن جۇيەلى تۇردە وزگەرتۋ قاجەتتىگىن قولدادى. سونىمەن قاتار پرەزيدەنت بيزنەس- ورتانى بيۋروكراتيادان ارىلتۋ جونىندە قابىلدانىپ جاتقان شارالاردى جانە جۇكتەلگەن مىندەتتەردى جىلدام ءارى ءتيىمدى شەشۋ ءۇشىن ترانسفورماتسيا كەزىندە پرەزيديۋم ءتوراعاسى مەن پالاتا باسقارماسىنىڭ پوزيتسيالارىن قوسۋ قاجەت ەكەنىن ماقۇلدادى.

مەملەكەت باسشىسى كاسىپكەرلىكتى دامىتۋعا جانە بيزنەس- قوعامداستىقتىڭ قۇقىعىن قورعاۋعا ىقپال ەتەتىن ينستيتۋت رەتىندە ۇكپ- نى رەفورمالاۋ جۇمىستارىن جانداندىرۋدى تاپسىردى.


سوڭعى جاڭالىقتار