مۇگەدەكتىگى بار ادامداردىڭ ءومىرىن وڭالتۋدى كوزدەيتىن قۇجات ءبىرىنشى وقىلىمدا ماقۇلداندى

نۇر- سۇلتان. قازاقپارات – ق ر پارلامەنتى ءماجىلىسى مۇگەدەكتىگى بار ادامداردىڭ ءومىر ساپاسىن جاقسارتۋعا باعىتتالعان زاڭ جوباسىن ءبىرىنشى وقىلىمدا ماقۇلدادى، دەپ حابارلايدى قازاقپارات ءتىلشىسى.

اتالعان زاڭ جوباسىن تانىستىرعان دەپۋتات ەلنۇر بەيسەنبايەۆتىڭ ايتۋىنشا، بىرنەشە سەنات دەپۋتاتىنىڭ باستاماسىمەن ءماجىلىس قاراۋىنا ەنگىزىلگەن قۇجات قازاقستان رەسپۋبليكاسىنىڭ 75 زاڭنامالىق اكتىسىنە، ونىڭ ىشىندە 11 كودەكس پەن 64 زاڭعا وزگەرىستەر ەنگىزۋدى كوزدەيدى. اتالعان زاڭ جوباسى بويىنشا، تاكسوپاركتەر ءاربىر ونىنشى تاكسيدى مۇگەدەكتىگى بار ادامدارعا بەيىمدەۋگە مىندەتتەلمەك. سونداي- اق، قۇجات قابىلدانسا، 62 مىڭنان استام مۇگەدەكتىگى بار بالانىڭ اتا- اناسى شيپاجاي- كۋرورتتىق ەم- دومعا مەملەكەت ەسەبىنەن بىرگە بارۋعا مۇمكىندىك الادى.

اتالعان زاڭ جوباسىنىڭ اياسىندا 3 جىلدىق رەسپۋبليكالىق بيۋدجەتتەن 5,9 ميلليارد تەڭگە قارجى قاراستىرىلعان. بۇعان دەيىن ق ر ەڭبەك جانە حالىقتى الەۋمەتتىك قورعاۋ مينيسترلىگى مۇگەدەكتىك بويىنشا جاردەماقى 30 مىڭ تەڭگەگە ۇلعايادى دەگەن اقپاراتتى تەرىسكە شىعارعان بولاتىن.

اۆتور: ەسىمجان ناقتىباي