زەينەتاقى جيناقتارىنداعى ينۆەستيتسيالىق تابىس جىل سايىن وسۋدە

نۇر- سۇلتان. قازاقپارات - زەينەتاقى جيناقتارىنداعى ينۆەستيتسيالىق تابىستىڭ ۇلەسى جىل سايىن ءوسىپ كەلەدى. بۇل تۋرالى قازاقپارات ب ج ز ق سىلتەمە جاساپ حابارلايدى.
None
None

جالپى، بارلىق زەينەتاقى اكتيۆتەرى ب ج ز ق- عا بىرىكتىرىلگەن ساتتەن باستاپ ۇلتتىق بانك قامتاماسىز ەتكەن ينۆەستيتسيالىق تابىس 6,3 تريلليون تەڭگەنى قۇرادى.

«2022 -جىلدىڭ 1- قاڭتارى مەن 1 -ءساۋىرى ارالىعىندا ينۆەستيتسيالىق تابىس شامامەن 295,8 ميلليارد تەڭگەگە ءوستى. زەينەتاقى اكتيۆتەرىنىڭ تابىستىلىعى قارجى قۇرالدارىن نارىقتىق جانە ۆاليۋتالىق قايتا باعالاۋ سالدارىنان وزگەرىپ، جىل باسىنان بەرى ءتۇرلى كەزەڭدەردە وڭ دا، تەرىس تە قالىپتاستى»، - دەلىنگە قوردىڭ حابارلاماسىندا.

زەينەتاقى جيناقتارى قارجى قۇرالدارىنا ءتۇرلى ۆاليۋتادا ينۆەستيتسيالانعان. ينۆەستيتسيالاردىڭ 2/3 تەڭگەمەن جانە 1/3 شەتەل ۆاليۋتاسىمەن، ۆاليۋتالىق ينۆەستيتسيالاردىڭ باسىم بولىگى ا ق ش دوللارىمەن ورنالاستىرىلدى. تيىسىنشە، دوللار باعامى زەينەتاقى اكتيۆتەرى قۇرامىنداعى ينۆەستيتسيالىق كىرىسكە اسەر ەتەدى: ۇلتتىق ۆاليۋتا نىعايعان كەزدە ينۆەستيتسيالىق كىرىس تومەندەپ، دوللار باعامى وسكەن كەزدە جوعارىلاۋى مۇمكىن.

2022 -جىلدىڭ قاڭتارى مەن ناۋرىزدىڭ باسى ارالىعىندا ا ق ش دوللارىنا قاتىستى تەڭگە باعامى السىرەپ، دوللار قۇنى 431 تەڭگەدەن 495 تەڭگەگە دەيىن، ودان ءارى 512 تەڭگەگە دەيىن وسكەن بولاتىن. وسىلايشا، اپتا سايىن زەينەتاقى اكتيۆتەرىن وڭ ۆاليۋتالىق قايتا باعالاۋ قالىپتاستى. سالىمشىلار دا وزدەرىنىڭ جەكە زەينەتاقى شوتتارىندا ايتارلىقتاي وڭ ينۆەستيتسيالىق تابىستى بايقادى. سودان كەيىن ۇلتتىق ۆاليۋتا نىعايىپ، دوللار باعامى سايكەسىنشە، تومەندەدى. 1- ساۋىردە 1 دوللاردىڭ باعامى 466 تەڭگە بولدى. ناتيجەسىندە قارجى نارىعىنداعى جاعىمسىز وقيعالار جانە اكتيۆتەردى ۆاليۋتالىق قايتا باعالاۋ ينۆەستيتسيالىق كىرىستىلىككە كەرى اسەر ەتتى.

سوڭعى كۇنتىزبەلىك 12 ايدا كىرىستىلىك % 10,43 بولسا، سايكەس كەزەڭدە ينفلياتسيا % 12,0 جەتتى. زەينەتاقى اكتيۆتەرىن قايتا باعالاۋ اپتا سايىن جانە ايدىڭ سوڭعى كۇنىندە جۇرگىزىلەتىندىكتەن، سالىمشىلار بۇل وزگەرىستەردى وزدەرىنىڭ ءۇزىندى كوشىرمەلەرىنەن كورە الادى.

ايتا كەتۋ كەرەك، زەينەتاقى جيناقتارى - بۇل ۇزاق مەرزىمدى ينۆەستيتسيالار جانە ينۆەستيتسيالىق تابىستىڭ مولشەرىن كەمىندە 1 (ءبىر) جىل كەزەڭىندە تالداعان ورىندى. قىسقا مەرزىمدى دەرەكتەر (اپتا سايىنعى، اي سايىنعى جانە ت. ب. ) - ايقىن ناتيجە بەرمەيدى، ويتكەنى، ول نارىقتىڭ ۇنەمى قۇبىلمالىعىنا تاۋەلدى.

سوڭعى جاڭالىقتار