ازەربايجانعا بارۋدى جوسپارلاپ وتىرعان قازاقستاندىقتار نەنى ءبىلۋى ءتيىس

باكۋ. قازاقپارات - ازەربايجاندا كارانتين رەجيمى كەزەڭ- كەزەڭىمەن جەڭىلدەتىلۋدە، ءبىراق كوپتەگەن شەتەلدىكتەر، سونىڭ ىشىندە قازاقستان ازاماتتارىنا بۇل ەلگە كىرۋ ءۇشىن جەكەلەگەن تالاپتار مىندەتتى بولىپ قالا بەرەدى، دەپ حابارلايدى قازاقپارات مەنشىكتى ءتىلشىسى.
None
None

قازاقستان ازاماتتارى COVID-19-عا قارسى تولىق ۆاكتسينالانعانىن راستايتىن ءتولقۇجاتى، COVID-19-دان ساۋىعىپ شىققانى تۋرالى رەسمي سەرتيفيكات نەمەسە COVID-19 ۆاكتسيناتسياسىنا قارسى كورسەتىلىمدەر تۋرالى سەرتيفيكاتى بولعان كەزدە عانا ازەربايجانعا اۋە كولىگىمەن بارا الادى. ايتا كەتەرلىگى، بۇل قۇجاتتاردىڭ ەلەكتروندىق راستاۋ اتريبۋتتارى بولۋى كەرەك جانە ونى تەك مەملەكەت بەرۋى ءتيىس. بۇل قۇجاتتار اۋەجايدا تىركەۋدەن ءوتۋ كەزىندە تەكسەرىلەدى.

قازاقستان ازاماتتارىنىڭ قازاقستانعا شىعۋى ءۇشىن ۆاكسينالاۋدىڭ تولىق كۋرسىنان (ۆاكسينانىڭ 3 دوزاسى) وتكەنىن راستايتىن قازاقستاندىق ۆاكسيناتسيا ءتولقۇجاتى بولۋى قاجەت. باسقا شەت مەملەكەتتىڭ ۆاكسيناتسيا ءتولقۇجاتى بولعان، ۆاكسينا الماعان نەمەسە ەكپەنىڭ تەك بىر/ەكى دوزاسىن العان جاعدايدا، كوروناۆيرۋسقا تاپسىرىلعان پ ت ر- تەستىنىڭ تەرىس ناتيجەسى تۋرالى قۇجاتتى ۇسىنۋ قاجەت. اىقتامادا QR- كود بولعانى ءجون. ويتكەنى ول پ ت ر تەستتىڭ ناتيجەلەرى تۋرالى تولىق اقپاراتتى تەزىرەك الۋعا مۇمكىندىك بەرەدى. وسىلايشا، QR كودى بار انىقتامانى ۇسىناتىن جولاۋشىلار شەكارالىق باقىلاۋدان جىلدام وتەدى. كوروناۆيرۋسقا تاپسىرىلعان پ ت ر- تەستتىڭ تەرىس ناتيجەسى تۋرالى انىقتاماسى بار، ءبىراق QR كودى جوق جولاۋشىلار قولدانىستاعى تالاپتارعا سايكەس مۇقيات تەكسەرىستەن وتەدى. ازەربايجاننىڭ قۇرلىق شەكارالارى جابىق.

تەڭىز شەكاراسى ارقىلى ازەربايجانعا قازاقستان ازاماتتارىنىڭ مىناداي ساناتى (COVID-19-عا قارسى تولىق ۆاكتسينالانعانىن راستايتىن ءتولقۇجاتى، COVID-19-دان ساۋىعىپ شىققانى تۋرالى رەسمي سەرتيفيكات نەمەسە COVID-19 ۆاكسيناتسياسىنا قارسى كورسەتىلىمدەر تۋرالى سەرتيفيكاتى بولعان كەزدە) :

• ازەربايجان مينيسترلەر كابينەتى جانىنداعى جەدەل شتاب بەرگەن ارنايى رۇقسات نەگىزىندە؛

• ەگەر وتباسى مۇشەلەرى (جۇبايلارى، اتا- اناسى، اعا- ىنىلەرى، اپكە- سىڭلىلەرى، بالالارى، اجە- اتاسى نەمەسە نەمەرەلەرى)، سونداي- اق تۋىستىق بايلانىستارى راستالعان كەزدە مۇنداي جولاۋشىلاردىڭ وتباسى مۇشەلەرى - ولاردىڭ جۇبايلارى، اتا- انالارى مەن بالالارى ازەربايجان ازاماتتارى بولسا؛

• ازەربايجاندا جۇمىس ىستەۋگە رۇقساتى بارلار؛

• ازەربايجاندا تۇراقتى نەمەسە ۋاقىتشا تۇرۋعا ىقتيارحاتى بار ادامدار، سونداي- اق وسى ازاماتتاردىڭ وتباسى مۇشەلەرى (اتا- اناسى، جۇبايى نەمەسە 18 جاسقا دەيىنگى بالالارى)؛

• ازەربايجان اۋماعىندا جاقىن تۋىستارى قايتىس بولعان جاعدايدا كىرە الادى.

سوڭعى جاڭالىقتار