جاڭا قازاقستان، بۇل - ادىلەتتى قازاقستان – پرەزيدەنت

نۇر-سۇلتان. قازاقپارات - جاڭا قازاقستان، بۇل شىندىعىندا ادىلەتتى قازاقستان.
None
None

بۇل تۋرالى AMANAT پارتياسىنىڭ كەزەكتەن تىس XXIII سەزىندە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«ءبىزدىڭ ازاماتتارىمىز «جاڭا قازاقستان دەگەنىمىز نە؟» دەگەن سۇراقتى وتە ءجيى قويادى. مەنىڭشە، بۇل ساۋالعا قىسقا ءارى تولىققاندى جاۋاپ بەرۋگە بولادى. جاڭا قازاقستان - بۇل شىندىعىندا ادىلەتتى قازاقستان. كەلىسەتىن شىعاسىزدار، ازاماتتارىمىزعا الەۋمەتتىك ادىلەتتىلىك جەتىسە بەرمەيدى»، - دەدى ق ر پرەزيدەنتى.

مەملەكەت باسشىسى قاراپايىم ادامداردىڭ مۇددەلەرىن ەلەمەۋ جاپپاي ورىن الىپ وتىرعاندىعىن باسا ايتتى.

وكىنىشكە وراي، سوراقى ادىلەتسىزدىك مەملەكەتتىك اپپارات وكىلدەرى تاراپىنان ورىن الاتىندىعىنا قىنجىلىس ءبىلدىردى.

«وسىدان ازاماتتاردىڭ بيلىك ينستيتۋتتارىنا تۇراقتى سەنىمسىزدىگى قالىپتاسىپ وتىر. سوندىقتان AMANAT پارتياسىنىڭ الدىندا وسىناۋ بارىنشا قولايسىز احۋالدى تۇزەتۋ سىندى اۋىر مىندەت تۇر. سىزدەر حالىق وكىلدەرىمەن الدىڭعى شەپتە جۇرۋگە، ازاماتتىق قوعام مەن بيلىك اراسىنداعى ءوزارا ءىس-قيمىلدىڭ ءتيىمدى ارناسىنا اينالۋعا تيىسسىزدەر»، - دەدى قاسىم-جومارت توقايەۆ.

سوڭعى جاڭالىقتار