وزبەكستان قىتايدان ەلەكتروموبيلدەر اكەلە باستادى

تاشكەنت. ءوز ا- قازاقپارات - وزبەكستانعا شەتەلدەن اكەلىنىپ جاتقان ەلەكتروموبيلدەر سانى جىل وتكەن سايىن ارتىپ كەلەدى.
None
None

بۇل تۋرالى قازاقپارات ءوزا سىلتەمە جاساپ حابارلايدى.

مەملەكەتتىك ستاتيستيكا كوميتەتىنىڭ حابارلاۋىنشا، 2022 -جىلدىڭ قاڭتار- ناۋرىز ايلارىندا وزبەكستان الەمنىڭ 9 ەلىنەن قۇنى 13,5 ميلليون دوللار بولاتىن 455 ەلەكتروموبيل يمپورتتاعان.

بۇل جاعداي 2021 -جىلدىڭ سايكەس كەزەڭىمەن سالىستىرعاندا ەلەكتروموبيلدەر يمپورتى 370-كە نەمەسە 5,4 ەسەگە وسكەن. ەلەكتروموبيلدەردىڭ كوپ بولىگى قىتايدان اكەلىنۋدە.

2022 -جىلدىڭ العاشقى 3 ايىندا وزبەكستان مىنا ەلدەردەن ەلەكتروموبيل يمپورتتادى:

· قىتاي - 426؛

· گەرمانيا - 13؛

· گونكونگ - 7؛

· ب ا ءا - 3؛

· ەستونيا - 2؛

·ا ق ش - 1؛

·كانادا - 1.

ايتا كەتسەك، 2021 -جىل 1-قازان ايىنان باستاپ وزبەكستاندا ەلەكتروموبيلدەرگە ارنايى مەملەكەتتىك نومىرلەر بەرىلە باستادى. ەلەكتر قۋاتىمەن جۇرەتىن اۆتوكولىكتەرگە بەرىلەتىن ءنومىردىڭ باستى ايىرماشىلىعى - ايماق كودى جاسىل فوندا كورسەتىلگەن.


سوڭعى جاڭالىقتار