قىتاي ءتوراعاسى شي جينپيڭ بيىل قىركۇيەكتە مەملەكەتتىك ساپارمەن قازاقستانعا كەلەدى

نۇر-سۇلتان. قازاقپارات - قاسىم-جومارت توقايەۆ قازاقستانعا رەسمي ساپارمەن كەلگەن قىتاي حالىق رەسپۋبليكاسى مەملەكەتتىك كەڭەسىنىڭ مۇشەسى، قورعانىس ءمينيسترى ۆەي فەنحەنى(Wèi Fènghé) قابىلدادى، دەپ حابارلايدى اقوردا.
None
None

قازاقستان پرەزيدەنتى ءوزىنىڭ 2019-جىلعى قىركۇيەكتە پەكينگە مەملەكەتتىك ساپارى مەن بيىلعى اقپاندا ق ح ر- عا جۇمىس ساپارى بارىسىندا قول جەتكىزىلگەن ماڭىزدى ۋاعدالاستىقتاردىڭ جۇزەگە اسىرىلۋىنا وڭ باعا بەردى.

ەكى ەل اراسىنداعى ۇزاق مەرزىمدى ستراتەگيالىق سەرىكتەستىك تۋرالى جوعارى دەڭگەيدە بەكىتىلگەن دەكلاراتسيا وسى جۇمىستاردىڭ نەگىزگى باعىتى ەكەنى اتاپ ءوتىلدى.

- بيىل ءبىز مەملەكەتتەرىمىز اراسىنداعى ديپلوماتيالىق قاتىناستاردىڭ 30 جىلدىعىن اتاپ وتەمىز. وسىدان 30 جىل بۇرىن جاڭادان باستاعان ەدىك، قازىر ستراتەگيالىق سەرىكتەسپىز. ەكونوميكالىق ىنتىماقتاستىقتا زور ناتيجەلەرگە قول جەتكىزدىك. قازاقستان مەن قىتاي الەمدىك ارەنادا، ەڭ الدىمەن، ب ۇ ۇ جانە باسقا دا حالىقارالىق ۇيىمدار اياسىندا جاقىن سەرىكتەستەر سانالادى. سوندىقتان ەكى ەل اراسىنداعى ءوزارا قارىم-قاتىناستاردىڭ قازىرگى دامۋ دەڭگەيىنە كوڭىلىم تولادى. دەگەنمەن، بۇل ىنتىماقتاستىعىمىز دايەكتى تۇردە دامي بەرۋگە ءتيىس دەپ سانايمىن. ءبىر ورىندا تۇرىپ قالماي، جاڭا ناتيجەلەرگە قول جەتكىزۋىمىز كەرەك، - دەدى پرەزيدەنت.

قاسىم-جومارت توقايەۆ قىتاي ءتوراعاسى شي جينپيڭنىڭ بيىلعى قىركۇيەككە جوسپارلانعان مەملەكەتتىك ساپارىنا قازاقستاننىڭ ۇلكەن ءۇمىت ارتىپ وتىرعانىن اتاپ ءوتتى.

مەملەكەت باسشىسىنىڭ پىكىرىنشە، الداعى جوعارى دەڭگەيدەگى كەلىسسوزدەر قازاق-قىتاي قاتىناستارىن دامىتۋعا تىڭ سەرپىن بەرەدى. اڭگىمەلەسۋ بارىسىندا بىتىمگەرشىلىك جانە اسكەري-تەحنيكالىق سالالارداعى ەكىجاقتى جانە كوپجاقتى ىنتىماقتاستىقتىڭ قازىرگى جاعدايى مەن پەرسپەكتيۆالارى تالقىلاندى.

مەملەكەت باسشىسى قازاقستاندىق اسكەري قىزمەتشىلەردىڭ ب ۇ ۇ بىتىمگەرشىلىك وپەراتسيالارىنداعى قاتىسۋ گەوگرافياسىن كەڭەيتۋگە ەلىمىزدىڭ دايىن ەكەنىنە باسا ءمان بەردى. وسىعان بايلانىستى پرەزيدەنت پەكيننىڭ اتالعان امبەباپ ۇيىم اياسىندا ۇجىمدىق ميسسيا وتكىزۋ تۋرالى باستاماسىن قولدادى.

ءوز كەزەگىندە ۆەي فەنحە قىتاي تاراپىنىڭ وسى سالاداعى ءوزارا ءتيىمدى كووپەراتسيانى ودان ءارى دامىتۋعا دايىن ەكەنىن راستادى.

ونىڭ پىكىرىنشە، قارۋلى كۇشتەردىڭ الەۋەتىن ارتتىرۋ جانە مەملەكەتىمىزدىڭ قورعانىس قابىلەتىن نىعايتۋ ءۇشىن جۇزەگە اسىرىلىپ جاتقان رەفورمالار نەگىزىنەن بۇل باعىتتاعى جەتىستىكتەرگە ىقپال ەتەدى.

مينيستر قازاقستاننىڭ ىشكى جانە سىرتقى ساياساتىنا جوعارى باعا بەردى. سونىمەن قاتار كەزدەسۋدە حالىقارالىق جانە ايماقتىق كۇن تارتىبىندەگى وزەكتى ماسەلەلەر قاراستىرىلدى.


سوڭعى جاڭالىقتار