اۋىل شارۋاشىلىعى ۆيتسە-ءمينيسترى تاعايىندالدى

پرەمەر- ءمينيستردىڭ باسپا ءسوز قىزمەتىنىڭ مالىمەتىنشە، ءابىلحايىر تامابەك جامبىل وبلىسىندا دۇنيەگە كەلگەن.
حالىقارالىق بيزنەس ۋنيۆەرسيتەتىن، لۋيس ۇلتتىق ۋنيۆەرسيتەتىن جانە ق ر پرەزيدەنتى جانىنداعى مەملەكەتتىك باسقارۋ اكادەمياسىن بىتىرگەن.
«پرەزيدەنتتىك جاستار كادرلىق رەزەرۆىنىڭ مۇشەسى. ەڭبەك جولىن 2011-جىلى جەكە كومپانيادا ينسپەكتور بولىپ باستاعان. 2015-2020-جىلدارى ۇلتتىق ەكونوميكا مينيسترلىگىندە، قورعانىس جانە اەروعارىش ونەركاسىبى مينيسترلىگىندە ءارتۇرلى لاۋازىمداردا جۇمىس ىستەدى. 2020-2022-جىلدارى - جامبىل وبلىسى اكىمدىگىنىڭ جەردىڭ پايدالانىلۋى مەن قورعالۋىن باقىلاۋ باسقارماسىنىڭ باسشىسى - باس مەملەكەتتىك ينسپەكتورى بولدى»، - دەلىنگەن حابارلامادا.
2022-جىلعى اقپان ايىنان باستاپ قازىرگە اۋىل شارۋاشىلىعى مينيسترلىگى جەر رەسۋرستارىن باسقارۋ كوميتەتىنىڭ جامبىل وبلىسى بويىنشا جەر رەسۋرستارىن باسقارۋ دەپارتامەنتىنىڭ باسشىسى - جەردى پايدالانۋ جانە قورعاۋ جونىندەگى باس مەملەكەتتىك ينسپەكتورى لاۋازىمىن اتقاردى.