ەلباسى مارتەبەسى كونستيتۋتسيادا «تاۋەلسىز قازاقستاننىڭ نەگىزىن قالاۋشى» دەپ قانا ايقىندالادى

نۇر- سۇلتان. قازاقپارات - كونستيتۋتسيالىق كەڭەستىڭ اپپارات جەتەكشىسى باقىت نۇرمۇحانوۆ تۇڭعىش پرەزيدەنتتىڭ اتا زاڭداعى مارتەبەسى تۋرالى ايتىپ بەردى، دەپ حابارلايدى قازاقپارات ءتىلشىسى.
None
None

«كونستيتۋتسيادا 46-باپ بولمايدى. ال 91-باپتا تۇڭعىش پرەزيدەنتتىڭ مارتەبەسىنە قاتىستى «تاۋەلسىز قازاقستاننىڭ نەگىزىن قالاۋشى» دەگەن ءسوز عانا قالادى. باسقا ەشقانداي ءسوز جوق»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا ب ا ق وكىلدەرىنىڭ ساۋالىنا وراي.

سونىمەن قاتار ول قازىرگى كونستيتۋتسيادا تۇڭعىش پرەزيدەنت كونستيتۋتسيالىق كەڭەستىڭ مۇشەسى بولا الادى دەگەن باپ بار ەكەندىگىن اتاپ ءوتتى

«ءبىراق، كونستيتۋتسيالىق سوت ساياسي ورگان سانالادى. ەندى كونستيتۋتسيالىق سوت بولعان كەزدە ول جەردە ناعىز ماماندار، زاڭگەرلەر وتىرۋى كەرەك. سول ءۇشىن بۇرىنعى پرەزيدەنتتەر مۇشە، سۋديا، سوت بولا المايدى. ياعني، وكىلەتتىگى جوق»، - دەدى باقىت نۇرمۇحانوۆ. ونىڭ تۇسىندىرۋىنشە، قازىرگى ۋاقىتتا اتا زاڭنىڭ 33 -بابىنا 56 تۇزەتۋ ەنگىزۋ كوزدەلگەن.

«ەكى ءبولىمنىڭ اتاۋى وزگەرەدى. سونىمەن العاندا اتا زاڭنىڭ بۇكىل بولىمىنە وزگەرىس ەنگىزىلەدى. كونستيتۋتسيالىق كەڭەسكە ارنالعان ءبولىم كونستيتۋتسيالىق سوت بولىپ، سوت جانە سوت تورەلىگى دەگەن 7- ءبولىمنىڭ اتاۋىنا پروكۋراتۋرا جانە ادام قۇقىقتارى جونىندەگى ۋاكىل دەگەن سوزدەر قوسىلادى. ويتكەنى، بۇل بولىمدە اتالعان ينستيتۋتتارعا ارنالعان باپتار بار»، - دەدى ول.

اۆتور: مارلان جيەمباي

سوڭعى جاڭالىقتار