قايىڭ شىرىنىنىڭ پايداسى

نۇر-سۇلتان. قازاقپارات - ساۋىردە قايىڭ شىرىنىن جيناۋ ماۋسىمى باستالادى. بۇل تابيعي سۋسىن - پايدالى زاتتاردىڭ كوزى. قايىڭ شىرىنىنىڭ جاعىمدى ءتاتتى ءدامىن عانا ەمەس، ونىڭ پايدالى قاسيەتتەرىن دە باعالايتىن كەز كەلدى.

قايىڭ شىرىنى - ساۋلىق پەن جاستىقتىڭ ناعىز ەليكسيرى. ونىڭ قۇرامىندا يممۋنيتەتتى جاقسارتۋعا ىقپال ەتەتىن ۆ توبىنىڭ دارۋمەندەرى، كالي، ماگني، كالتسي، ساپونيندەر، بەتۋلين، ەفير مايلارى، 10 نان اسا ورگانيكالىق قىشقىلدار جانە فيتونتسيدتەر بار.

قايىڭ شىرىنى حولەستەريننىڭ ءسىڭۋىن تەجەيدى، سايكەسىنشە، قاننىڭ تازارۋىنا ىقپال ەتەدى. ونىڭ سەبەبى - ونىڭ قۇرامىندا ساپونيننىڭ بولۋى.

قايىڭ شىرىنىن سالماق تاستاعىسى كەلەتىندەرگە ءىشۋ پايدالى. ارتىق سالماقتىڭ ءجيى كەزدەسەتىن سەبەبى — اعزادا ارتىق سۇيىقتىقتىڭ جينالۋى. ال بۇل شىرىن نەسەپ ايداعىش اسەرگە يە. ونىڭ قۇرامىندا كوپ كالي بار. بۇل زات اعزادان ارتىق سۇيىقتىقتى شىعارۋعا كومەكتەسەدى. وعان قوسا، اعزاداعى سۋ- تۇزدى جانە Ph تەپە- تەڭدىك بۇزىلمايدى، سەبەبى شىرىندا مينەرالدى زاتتار كوپ. وسى اسەردىڭ ارقاسىندا ارتەريالىق قىسىم دا تومەندەيدى.

قايىڭ شىرىنى اسقازاننىڭ قىشقىل ءتۇزۋشى قىزمەتىن ىناتالاندىرادى. سونداي- اق، ونىڭ قۇرامىندا فەرمەنتتەر بار. شىرىننىڭ بۇل قاسيەتتەرى ونى اسقازانىن رەتكە كەلتىرگىسى كەلەتىندەر ءۇشىن كەرەمەت سۋسىن ەتەدى. قايىڭ شىرىنىنىڭ كالورياسى كوپ ەمەس: 100 گرامعا 25 كالوريا.

قايىڭ شىرىنىن كىمدەرگە ىشۋگە بولمايدى؟

قايىڭ شىرىنىن قايىڭ گۇلىنىڭ توزاڭىنا اللەرگياسى بار ادامدارعا ىشۋگە بولمايدى. بۇيرەكتەرىندە ۇلكەن تاستارى بار (3 م م- دەن ۇلكەن) ادامدارعا دا ونى ءىشۋ ۇسىنىلمايدى. ونىڭ سەبەبى شىرىننىڭ نەسەپ ايداعىش قاسيەتى تاستاردى ورنىنان قوزعاپ، ولار نەسەپ شىعۋشى جولدا تۇرىپ قالۋى مۇمكىن.

massaget.kz