قاسىم- جومارت توقايەۆ فرانسيا پرەزيدەنتىن قازاقستانعا رەسمي ساپارمەن كەلۋگە شاقىردى
مەملەكەتىمىزدىڭ باسشىسى قۇتتىقتاۋ جەدەلحاتىندا ەممانۋەل ماكروننىڭ سايلاۋداعى ايقىن جەڭىسى فرانسيانىڭ ۇلتتىق مۇددەسىن قورعاۋ جانە ەلدى وركەندەتۋ جولىنداعى ونىڭ قاجىرلى قىزمەتىنە حالىقتىڭ بەرگەن جوعارى باعاسى مەن سەنىمىنىڭ ايعاعى دەپ اتاپ وتكەن.
قازاقستان پرەزيدەنتى ەكى ەل اراسىنداعى ءداستۇرلى دوستىق پەن ءوزارا قولداۋعا نەگىزدەلگەن ستراتەگيالىق سەرىكتەستىككە تىڭ سەرپىن بەرۋ ءۇشىن ءوزارا كۇش- جىگەر جۇمىلدىرۋعا دايىن ەكەنىن ناقتىلادى.
- وسىعان بايلانىستى قازاقستان مەن فرانسيا اراسىنداعى سان قىرلى ىقپالداستىقتى نىعايتۋ جولدارىن تالقىلاۋ ءۇشىن ءوزارا قولايلى ۋاقىتتا ءسىزدى قازاقستانعا رەسمي ساپارمەن كەلۋگە شاقىرامىن، - دەدى قاسىم- جومارت توقايەۆ.
قازاقستان پرەزيدەنتى فرانسيا كوشباسشىسىنا سارقىلماس كۇش- قۋات جانە اسا جاۋاپتى قىزمەتىنە ساتتىلىك، ال دوستاس فرانسۋز حالقىنا مول باقىت پەن قۇت- بەرەكە تىلەدى.
