باسپانا تاپشىلىعى بولۋى مۇمكىن - قازاقستان قۇرىلىسشىلار وداعى

«قۇرىلىس ماتەريالدارىنىڭ نارىعىنداعى وندىرىستىك جانە ساۋدا- ساتتىق تۇراقسىزدىققا بايلانىستى بۇگىندە كوپتەگەن كومپانيالار جوسپارلارىن قايتا قاراپ، قۇرىلىس كولەمىن قايتا ەسەپتەپ جاتىر. سوندىقتان الداعى ۋاقىتتا، 2022 -جىلى بولماسا دا، 2024-2025 -جىلدارى باسپانا تاپشىلىعى سەزىلۋى مۇمكىن»، - دەدى ول قازاقپارات تىلشىسىنە تەلەفون ارقىلى بەرگەن شاعىن سۇحباتىندا.
ايتۋىنشا، قۇرىلىسقا قاجەتتى نەگىزگى ماتەريالدىڭ باسىم بولىگى ءالى دە بولسا سىرتتان اكەلىنەدى. ياعني، قۇرىلىس ماتەريالىنىڭ باعاسى قىمباتتاي ءتۇسۋى مۇمكىن.
«كەيىنگى 7 جىلداعى جاعدايدى الىپ قاراساق، سول ارقىلى الداعى ۋاقىتقا بولجام جاساساق، باسپانا نارىعىنداعى ينفلياتسيا % 12-14 بولىپ، قۇرىلىس ماتەريالدارىنىڭ باعاسى كەمىندە % 10-15 قىمباتتايتىنىن كورەمىز. سوندىقتان احۋال تۇراقتانا قويمايدى. كەرىسىنشە وسى قارقىنمەن شيەلەنىسۋى مۇمكىن»، - دەدى قۇرىلىسشىلار وداعىنىڭ باسشىسى.
مۇنداي بولجامنىڭ ءمانىن تالعات ەرعاليەۆ بىلاي ءتۇسىندىردى.
«رەسەيگە قارسى سالىنىپ جاتقان سانكسيالاردىڭ قۇرىلىس نارىعىنا تۇسىرەتىن شىنايى سالماعىن ءبىز تامىز- قازان ارالىعىندا سەزىنەمىز. ازىرگە ماتەريال مەن تاۋاردىڭ قورى جەتكىلىكتى. ءبىراق شامامەن كۇزدەن باستاپ سانكسيالاردىڭ شىنايى اسەرىن كورەمىز. وسى كەزدە قۇرىلىس باعاسى قايتا قىمباتتايدى»، - دەدى ساراپشى.
بۇعان دەيىن قۇرىلىسشىلار قاۋىمداستىعىنىڭ باسشىسى ۆيكتور ميكريۋكوۆ الداعى ەكى ايدا باسپانا قىمباتتامايتىنىن بولجاعان ەدى.
اۆتور: ەسىمجان ناقتىباي