قازاقستاننىڭ ا ق ش- قا شىعاراتىن تاۋار ەكسپورتى ءوسۋى مۇمكىن

«ءادىل ءوسىم، قارجى جانە ينستيتۋتتار» باعىتىنىڭ ۆيتسە- پرەزيدەنتى يندەرميت گيللمەن كەزدەسۋدە ۇ ە م باسشىسى قازاقستان مەن بانك 30 جىلدىق جەمىستى ستراتەگيالىق ىنتىماقتاستىعىن اتاپ ءوتتى، سونداي- اق قازاقستاننىڭ تۇراقتى ەكونوميكالىق دامۋىنا باعىتتالعان بولاشاق بىرلەسكەن جوبالار تۋرالى حابارلادى.
ۇلتتىق ەكونوميكا ءمينيسترى د ب توبىنىڭ ۆيتسە- پرەزيدەنتى - باس ەكونوميسى كارمەن راينحارتپەن جاھاندىق جانە وڭىرلىك ەكونوميكالىق دامۋدىڭ پەرسپەكتيۆالارى مەن ترەندتەرىن تالقىلادى. اتاپ ايتقاندا، جاھاندىق قارىزدىڭ ۇلعايۋىنا، ينفلياتسيانىڭ جەدەلدەۋىنە بايلانىستى تاۋەكەلدەر جانە فيسكالدىق يمپۋلستار مەن ازىق- تۇلىك داعدارىسى تاقىرىپتارى قوزعالدى. ءوز كەزەگىندە، ا ق ش ساۋدا ءمينيسترىنىڭ ورىنباسارى ماريسا لاگومەن قازاقستاندىق دەلەگاتسيا ءوزارا ساۋدا الەۋەتىن ارتتىرۋ، اتاپ ايتقاندا، قازاقستاننان ا ق ش- قا مەتاللۋرگيا، حيميا، ينجەنەرلىك جانە تاماق ونەركاسىبى تاۋارلارىنىڭ 75-تەن استام اتاۋى ەكسپورتىنىڭ ءوسۋ مۇمكىندىكتەرى تالقىلاندى.
ساپار بارىسىندا قۋانتىروۆ ورتالىق ازيا ەلدەرى، سونداي- اق ازەربايجان، شۆەيساريا، پولشا جانە سەربيا وكىلدەرىنىڭ قاتىسۋىمەن دب جانە ح ۆ ق شۆەيتساريالىق كىشى توبىنىڭ وتىرىسىنا قاتىستى. ءوز سوزىندە ول قازاقستانداعى اعىمداعى ەكونوميكالىق جاعداي جانە الەۋمەتتىك- ەكونوميكالىق رەفورمالار تۋرالى ايتىپ بەردى.
جۇمىس ساپارى اياسىندا قازاقستان دەلەگاتسياسى ا ق ش ساۋدا پالاتاسى جانىنداعى ەكونوميكالىق رەفورمالار بويىنشا بيزنەس- قاۋىمداستىقپەن دوڭگەلەك ۇستەلگە قاتىستى. ءىس- شارا ا ق ش- تىڭ ساۋدا- ينۆەستيتسيالىق قۇرىلىمدارىنىڭ وكىلدەرى، بيزنەس- قوعامداستىعىنىڭ كەڭ اۋقىمى ءۇشىن جاڭا ينۆەستيتسيالىق ساياساتتى قالىپتاستىرۋعا نازار اۋدارا وتىرىپ، قازاقستاننىڭ ماكروەكونوميكالىق باعىتىنىڭ باسىمدىقتارى جانە جاڭا ەكونوميكالىق ساياسات شارالارى تۋرالى حاباردار ەتۋگە باعىتتالعان. كەزدەسۋ بارىسىندا ۇلتتىق ەكونوميكا ءمينيسترى ا ق ش قازاقستاننىڭ ەڭ ءىرى ينۆەستورلارىنىڭ ۇشتىگىنە كىرەتىنىن اتاپ ءوتتى.
«1991 -جىلدان بەرى ەلىمىزگە امەريكادان $60 ميللياردتان استام ينۆەستيتسيا سالىندى. ءبىزدىڭ ەلىمىزدە امەريكاندىق كاپيتالدىڭ قاتىسۋىمەن مۇناي- گاز، حيميا، قۇرىلىس، تاۋ- كەن مەتاللۋرگياسى، ماشينا جاساۋ جانە باسقا دا سالالاردا 500-دەن اسا كومپانيا جۇمىس ىستەيدى. 2021 -جىلى تاۋار اينالىمى % 29- عا ۇلعايىپ، $2,2 ميللياردقا جەتتى»، - دەدى الىبەك قۋانتىروۆ.
ودان ءارى بەينەكونفەرەنسبايلانىس رەجيمىندە ا. قۋانتىروۆ ا ق ش ساۋدا وكىلىنىڭ كومەكشىسى (USTR) كريس ۋيلسونمەن كەزدەستى، وندا تاراپتار اعىمداعى الەۋمەتتىك- ەكونوميكالىق رەفورمالار تۋرالى پىكىر الماستى، سونداي- اق قازاقستاننىڭ باس پرەفەرەنسيالار جۇيەسى باعدارلاماسىنىڭ بەنەفيتسيارى مارتەبەسىن ساقتاۋىن تالقىلادى.
سونىمەن قاتار، ۇ ە م باسشىسى Standard&Poor's جانە Fitch Ratings حالىقارالىق رەيتينگ اگەنتتىكتەرىنىڭ باسشىلىعىمەن كەزدەسۋلەر وتكىزدى. مينيستر ولارمەن سانكسيالىق تەكەتىرەس جاعدايىندا ءوڭىر مەن ەلدىڭ ەكونوميكالىق دامۋىنىڭ پەرسپەكتيۆالارى مەن سىن- قاتەرلەرىن تالقىلادى. اعىمداعى جىلدىڭ اقپان، ءساۋىر ايلارىندا Fitch Ratings جانە Standard&Poor's ىشكى جانە سىرتقى سىن- قاتەرلەرگە جاۋاپ رەتىندە ق ر ۇكىمەتى شارالارىنىڭ تيىمدىلىگىن باعالاپ، قازاقستاننىڭ تاۋەلسىز كرەديتتىك رەيتينگىن «تۇراقتى» بولجاممەن ينۆەستيتسيالىق سەنىمدىلىك دەڭگەيىندە راستادى.