قايرات قۇدايبەرگەن ءبىر ايعا قاماۋعا الىندى

بۇل تۋرالى الماتى قالاسىنىڭ مامانداندىرىلعان اۋدانارالىق تەرگەۋ سوتىنىڭ باسپا ءسوز قىزمەتى ءمالىم ەتتى.
«سوت قاۋلىسىمەن تەرگەۋ ورگاندارىنىڭ ءوتىنىشى قاناعاتتاندىرىلدى. قايرات قۇدايبەرگەنگە قاتىستى ارەكەتتى سارالاۋ تۋرالى قاۋلى شىعارىلعانعا دەيىن ونى 30 تاۋلىك مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىنا سانكسيا بەرىلدى» - دەپ حابارلادى ۆەدومستۆودان.
ەسكە سالساق، ق ر باس پروكۋراتۋراسى الماتى قالاسى ءماسليحاتىنىڭ دەپۋتاتى قايرات قۇدايبەرگەن قاڭتار وقيعاسىنىڭ ءىسى بويىنشا ۇستالعانىن راستادى. قايرات قۇدايبەرگەن ديكي ارمانمەن بىرگە ادام جيناۋدى ۇيىمداستىرعان. 7 - قاڭتاردا الماتىدا پوليتسەيلەر «ديكي ارمان» لاقاپ اتىمەن تانىمال قىلمىس الەمىنىڭ سەركەسى ارمان جۇماگەلديەۆتى ۇستادى . كەيىن ق ر باس پروكۋراتۋراسى ارنايى پروكۋرورلار قىزمەتىنىڭ باستىعى ريزابەك وجاروۆ «ديكي ارمان» توبى 24 بەيبىت تۇرعىندى ۇرلاپ، كۇشتەپ ۇستاعانىن ايتتى.
اۆتور: الما مۇقانوۆا