موڭعولياداعى ازيا چەمپيوناتىندا قازاق قىزىنىڭ جەڭىسى كورەرمەندى تاڭعالدىردى - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات - «قازاقپارات» ح ا ا شەتەلدە قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قازاقستاندا يراننىڭ ەكسپورتتىق مۇمكىندىكتەرىنە ارنالعان حالىقارالىق كورمە وتەدى - Parstoday

يران سىرتقى ىستەر مينيسترلىگىنىڭ ەكونوميكالىق ديپلوماتيا ىستەرى جونىندەگى ورىنباسارى ءماھدي سافاري الماتىدا يراننىڭ ەكسپورتتىق مۇمكىندىكتەرىنە ارنالعان حالىقارالىق كورمەنىڭ وتەتىنىن حابارلادى.

Parstoday مالىمەتى بويىنشا، ءماھدي سافاري ورتالىق ازيا ەلدەرىمەن، اسىرەسە قازاقستانمەن قارىم- قاتىناستا ايتارلىقتاي ساۋدا الەۋەتى بار ەكەنىنە توقتالىپ، بۇل ەكونوميكالىق شاراعا قاتىسۋ يراننىڭ ەكونوميكالىق سۋبەكتىلەرى ءۇشىن ماڭىزدى دەپ اتاپ وتكەن.

«بۇل كورمە ورتالىق ازياداعى ي ي ر- نا ارنالعان ەڭ ءىرى ساۋدا كورمەسى بولادى. اتالعان ءىس- شارا يراننىڭ ساۋدانى دامىتۋ ۇيىمىنىڭ رەسمي رۇقساتىمەن جانە يران- قازاقستان ورتاق پالاتاسىنىڭ ىنتىماقتاستىعىمەن ىسكە اسادى. سونداي- اق سىرتقى ىستەر مينيسترلىگىنىڭ ەكونوميكالىق ىستەر جونىندەگى ورىنباسارى، يران ساۋدا، ونەركاسىپ، كەن جانە اۋىل شارۋاشىلىعى پالاتاسى، قازاقستانداعى ي ي ر ەلشىلىگى مەن قازاقستاننىڭ ساۋدا جانە ينتەگراتسيا مينيسترلىگىنىڭ قولداۋىمەن الماتى قالاسىندا 1-3 شىلدەدە وتەدى»، - دەيدى ءماھدي سافاري.

قازاقتارعا كومەكتەسكەن ا. مەندەرەستىڭ ەسىمى الماتىداعى ءبىر كوشەگە بەرىلدى - TRT

تۇركيانىڭ بۇرىنعى پرەمەر- ءمينيسترى، دەموكراتيالىق پارتيانىڭ ءتوراعاسى بولعان مارقۇم ادنان مەندەرەستىڭ ەسىمى قازاقستاندا ماڭگى ساقتالادى. قازاقستاننىڭ ءىرى قالالارىنىڭ ءبىرى الماتىدا اكىمنىڭ شەشىمىمەن كوشەگە ادنان مەندەرەس ەسىمى بەرىلدى، دەپ حابارلايدى «تۇركيا راديو تەلەديدار» اقپارات اگەنتتىگى.

ايتا كەتەيىك، الماتى اكىمدىگى مەن الماتى وبلىستىق ءماسليحاتىنىڭ مالىمدەمەسىندە قالانىڭ الاتاۋ اۋدانى نۇركەنت بولىگىندەگى جاڭا كوشەگە ادنان مەندەرەس ەسىمىن بەرۋ تۋرالى شەشىم قابىلدانعانى حابارلانعان بولاتىن.

اتالعان ب ا ق- تىڭ كەلتىرگەن دەرەگىنە سۇيەنسەك، قازاقستان ازاماتتارى مارقۇم ادنان مەندەرەستى 1930-1950 -جىلدارى بوسىپ جۇرگەن قازاقتاردىڭ تۇركياعا كەلىپ قونىستانۋىنا كومەكتەسكەنى ءۇشىن ونى جوعارى باعالايدى.

«قازاقستان پرەزيدەنتى قاسىم- جومارت توقايەۆ وتكەن جىلدىڭ قاراشاسىندا ىستانبۇلدا وتكەن تۇرىك مەملەكەتتەرى ۇيىمىنىڭ سامميتىندە سويلەگەن سوزىندە مارقۇم ادنان مەندەرەستى ەسكە العان بولاتىن. توقايەۆ ادنان مەندەرەستىڭ تۇركياداعى قازاقتاردىڭ ومىرىندە ماڭىزدى ورىن العانىن ايتىپ، العىس بىلدىرگەن ەدى»، دەپ تۇيىندەيدى تۇركيالىق TRT.

وزبەكستان مەن قازاقستان سەناتىنىڭ وكىلدەرى ارال تەڭىزىنە باردى - «ءوزا»

ءو ر ولي ماجليس سەناتى ءتوراعاسىنىڭ ءبىرىنشى ورىنباسارى سادىق سافويەۆ باستاعان وزبەكستان دەلەگاتسياسى قازاقستانعا ساپارمەن باردى، دەپ حابارلادى وزبەكستاننىڭ «ءوزا» مەملەكەتتىك اقپارات اگەنتتىگى.

اتالعان اقپارات كوزىنىڭ دەرەگىنشە، وزبەكستاندىق سەناتورلاردىڭ قازاقستاندىق ارىپتەستەرىمەن ىنتىماقتاستىق جونىندەگى كوميسسيانىڭ ەكىنشى وتىرىسىنا قاتىسۋى جوسپارلانعان. سونداي- اق ءو ر ولي ماجليس سەناتى ءتوراعاسىنىڭ ءبىرىنشى ورىنباسارى باستاعان دەلەگاتسيا ارال تەڭىزىنە بارعان.

«سەنات باسپا ءسوز قىزمەتىنىڭ حابارلاۋىنشا، ساپار ەكى ەل پارلامەنتتەرى جوعارى پالاتالارىنىڭ ىنتىماقتاستىق جونىندەگى كوميسسياسىنىڭ ەكىنشى وتىرىسىنا قاتىسۋ ءۇشىن جاسالعان. 21-ساۋىردە سادىق سافويەۆ باستاعان دەلەگاتسيا ارال تەڭىزىنە بارىپ، كوكارال بوگەتىنىڭ جاعدايى جانە «Aral SeeFood» بالىق وڭدەۋ زاۋىتىنىڭ قىزمەتىمەن تانىستى. پارلامەنتارالىق ىنتىماقتاستىق كوميسسياسىنىڭ ەكىنشى وتىرىسى 22-ساۋىرگە جوسپارلانعان»، دەپ جازدى وزبەكستاندىق ب ا ق.

ازيا چەمپيوناتىنداعى قازاق قىزىنىڭ جەڭىسى كورەرمەندەردى تاڭقالدىردى - Kaznews

موڭعوليا استاناسى ۇلانباتىر قالاسىندا گرەك- ريم كۇرەسىنەن ازيا چەمپيوناتى اياقتالدى. قازاقستان بۇل تۋرنيردە توعىز مەدال جەڭىپ الىپ، جالپى كوماندالىق ءبىرىنشى ورىنعا يە بولدى. بۇل تۋرالى وسى اپتادا موڭعوليانىڭ Kaznews اقپارات پورتالى حابارلادى.

ايتا كەتەيىك، قۇرلىق بىرىنشىلىگىنە قازاقستان ساپىنان 10 سپورتشى قاتىسىپ، ونىڭ 9 ى جەڭىس تۇعىرىنان كورىندى. اتاپ ايتقاندا، گرەك- ريم كۇرەسىنىڭ شەبەرلەرى 2 التىن، 5 كۇمىس جانە 2 قولا مەدالعا قول جەتكىزدى.

«گرەك- ريم كۇرەسىنەن قازاقستان قۇراماسى ۇپاي سانى بويىنشا جالپى كوماندالىق ەسەپتە ازيا چەمپيوناتىندا كوش باستادى. ەكى كۇنگە سوزىلعان جارىس قورىتىندىسى بويىنشا «كلاسسيكتەر» بارلىعى 180 ۇپايعا يە بولعان. يران (4 التىن، 1 كۇمىس، 2 قولا) قۇراماسى ەكىنشى بولسا، قىرعىزستان (3 التىن، 3 قولا) بالۋاندارى ۇزدىك ۇشتىكتى تۇيىندەدى»، دەپ جازادى موڭعوليالىق ب ا ق.

سونداي- اق ۇلانباتىردا وتكەن ازيا چەمپيوناتىندا مادينا باقبەرگەنوۆا ۇتىمدى ءادىس جاساپ، بەلدەسۋ سوڭىندا جەڭىمپاز اتاندى. موڭعوليالىق ب ا ق- تىڭ مالىمەتىنشە، قازاق قىزىنىڭ بۇل جارىستا جەڭىسكە جەتۋى كورەرمەندى تاڭعالدىرعان.

«قازاقستاندىق بالۋان مادينا باقبەرگەنوۆا ايەلدەر كۇرەسىنەن ازيا چەمپيوناتىندا كورەرمەندى تاڭعالدىردى. بۇل تۋرالى موڭعوليانىڭ ءىرى اقپارات اگەنتتىگى دە حابارلاعان. 68 كەلىدە بەلدەسكەن مادينا باقبەرگەنوۆا فينالدا وليمپيادا ويىندارىنىڭ جۇلدەگەرى، الەم چەمپيونى قىرعىزستاندىق مەيىرىم جۇمانازاروۆانى جەڭدى. فينالدا مادينا 2:1 ەسەبىمەن جەڭىلىپ تۇرىپ، بەلدەسۋ سوڭىنا قاراي ۇتىمدى ءادىس جاساپ، ەسەپتى العا جىلجىتتى. ناتيجەسىندە، 3:2 ەسەبىمەن جەڭىمپاز اتاندى»، دەپ جازادى موڭعوليانىڭ Kaznews اقپارات پورتالى.

شىڭجاڭنىڭ ايگىلى جابايى جانۋارلارى - «تيان- شاننەت»

قازاق ءتىلدى قىتايلىق ب ا ق- تا وسىنداي تاقىرىپتاعى سۋرەتتى اقپارات جاريالاندى. شىڭجاڭدا كەڭ بايتاق ءشول دالا، اسقار تاۋلار مەن الىپ شىڭدار بار. سول كوركەم ولكەدە كوپتەگەن جابايى جانۋارلار تىرشىلىك ەتەدى، دەپ حابارلايدى «تيان- شاننەت».

اتالعان ب ا ق- تىڭ مالىمەتىنشە، جابايى جانۋارلاردىڭ كوپتىگى جاعىنان شىڭجاڭ ولكەسى ءبۇتىن قىتاي بويىنشا الدىڭعى ورىندا تۇر ەكەن.

«شىڭجاڭداعى جابايى جانۋارلار تۇرلەرىنىڭ كوپتىگى بۇكىل قىتاي ەلى بويىنشا ءبىرىنشى ورىندا تۇر. شولگە نەمەسە تاۋلارعا عانا ءتان جانۋارلاردىڭ كەيبىر پوپۋلياتسيالارى شىڭجاڭ مەن وعان جاقىن ايماقتاردا عانا تارالعان جانە ولار الەم نازارىن وزدەرىنە اۋدارۋدا»، دەپ جازادى قىتايلىق ب ا ق.

اۆتور: بەيسەن سۇلتان