10:03, 24 - ءساۋىر 2022 | GMT +5
فۋتزالدان جۋرناليستەر اراسىندا رەسپۋبليكالىق تۋرنير ءوتتى
نۇر- سۇلتان. قازاقپارات - نۇر- سۇلتاندا فۋتزالدان ب ا ق وكىلدەرى اراسىندا «ميير PRESS CUP-2022» رەسپۋبليكالىق ءتۋرنيرى ءوتتى، دەپ حابارلايدى قازاقپارات.

ەكى كۇنگە سوزىلعان بايراقتى باسەكە «قازاقپارات» كومانداسىمەن قاتار ەلىمىزدىڭ ءار وڭىرىنەن كەلگەن 18 كوماندا قاتىستى. قورتىندىسىندا ەلوردالىق «قازمەديا» كومانداسى جەڭىمپاز اتانسا، «Qazaqstan-Qazsport» كومانداسى جانە وڭتۇستىك جۋرناليستەرىنەن قۇرالعان «شىمكەنت» كومانداسى ۇزدىك ۇشتىكتى تۇيىندەدى.
سونداي- اق تۋرنير جەڭىمپازدارى 1-ورىن ءۇشىن - 1 ميلليون تەڭگە، 2-ورىن ءۇشىن - 600 مىڭ تەڭگە جانە 3-ورىن ءۇشىن - 300 مىڭ تەڭگە كولەمىندە اقشالاي سىيلىقپەن ماراپاتتالدى.
ال تۋرنيردە ۇزدىك ويىن كورسەتكەن ويىنشىلاردا ارنايى ماراپاتتارعا يە بولدى. ايتا كەتەيىك، تۋرنير ق ر يندۋستريا جانە ينفراقۇرىلىمدىق دامۋ مينيسترلىگى باسپا ءسوز قىزمەتىنىڭ قولداۋىمەن ۇيىمداستىرىلدى.
اۆتور: مۇحتار قاليموللا ۇلى