قاسىم- جومارت توقايەۆ استاناداعى بوتانيكالىق باقتا كوشەت وتىرعىزدى

نۇر- سۇلتان. قازاقپارات - بۇگىن مەملەكەت باسشىسى قاسىم- جومارت توقايەۆ «بىرگە - تازا قازاقستان» رەسپۋبليكالىق ەكولوگيالىق اكسياسىنىڭ اياسىندا بوتانيكالىق باقتا كوشەت وتىرعىزىپ، قالالىق سەنبىلىككە قاتىستى.
None
None

ءىس- شاراعا پرەزيدەنت اكىمشىلىگىنىڭ باسشىسى مۇرات نۇرتىلەۋ، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ، نۇر- سۇلتان قالاسىنىڭ اكىمى التاي كولگىنوۆ، ەكو- ۆولونتەرلەر، سونداي- اق پرەزيدەنتتىك جاستار كادرلىق رەزەرۆىنىڭ مۇشەلەرى قاتىستى. سەنبىلىك بارىسىندا پرەزيدەنت ەكوۆولونتەرلەرمەن جانە جاستار كادرلىق رەزەرۆىنىڭ مۇشەلەرىمەن اڭگىمەلەستى.

قاسىم- جومارت توقايەۆ تابيعاتقا، جالپى ەكولوگياعا ۇقىپتى قاراۋدىڭ ماڭىزدىلىعى تۋرالى ايتتى. مەملەكەت باسشىسى قازاقستان بولاشاقتا جاسىل ەلگە اينالۋى كەرەك دەپ سانايدى. «تال دەگەنىمىز - قاسيەتتى ۇعىم. ءبىز تال- تەرەكتەردى، تابيعاتتى قورعاۋىمىز كەرەك»، - دەدى پرەزيدەنت.


«بارشاڭىزعا العىس ايتامىن. سىزدەر قازاقستاننىڭ بولاشاعىسىزدار. جاڭا قازاقستاندى ەل بولىپ، ۇلت بولىپ، مەملەكەت بولىپ، ءبارىمىز بىرگە قۇرۋعا كىرىسۋىمىز قاجەت. امانشىلىق بولسا، ەكىنشى رەسپۋبليكانى وركەندەتەمىز. جالپى كەلەشەگىمىز جاقسى، ايقىن، جارقىن بولاتىنىنا ەشقانداي كۇمانىم جوق. مەملەكەتىمىزدىڭ بولاشاعى جاستاردىڭ قولىندا. مەن سىزدەرگە سەنەمىن»، - دەدى قاسىم- جومارت توقايەۆ.

ەرىكتىلەر مەن پرەزيدەنتتىك جاستار كادرلىق رەزەرۆىنىڭ مۇشەلەرى ەكولوگيالىق ماسەلەلەر مەن باستامالارعا ۇنەمى قولداۋ بىلدىرەتىنى ءۇشىن مەملەكەت باسشىسىنا العىس ايتتى.

اكسياعا قاتىسقاندار 15 ءتۇپ جوكە جانە 35 ءتۇپ ەمەن كوشەتىن ەكتى. ايتا كەتەيىك، بۇگىن سونداي- اق ق ر پرەمەر- ءمينيسترى ءاليحان سمايىلوۆ، ق ر ۇكىمەتىنىڭ مۇشەلەرى، سونداي- اق ورتالىق مەملەكەتتىك ورگانداردىڭ قىزمەتكەرلەرى «Birge - taza Qazaqstan» رەسپۋبليكالىق اكسياسى جانە ەكولوگيالىق ايلىق اياسىندا اۋماقتى تازالاۋ، جاپپاي اعاش وتىرعىزۋ ءىس- شاراسىنا قاتىستى.



سوڭعى جاڭالىقتار