09:12, 23 - ءساۋىر 2022 | GMT +5
«ديماش قۇدايبەرگەن وپپوزيتسيالىق پارتياعا قوسىلۋعا شاقىردى» - اقپارات فەيك
نۇر-سۇلتان. قازاقپارات - الەۋمەتتىك جەلىلەردە ءانشى ديماش قۇدايبەرگەننىڭ قازاقستاندىقتاردى «العا قازاقستان» وپپوزيتسيالىق پارتياسىنا كىرۋگە شاقىرعانى تۋرالى اقپارات تاراپ جاتىر.

Stopfake.kz سايتىنىڭ جازۋىنشا، بۇل اقپارات - جالعان.
«اتالعان جاڭالىقتىڭ دەرەككوزى - qazinform24 ساتيرالىق Instagram-اككاۋنتى. پاراقشادا شىنايى جانە سەنىمدى اقپاراتتار جاريالانبايدى، بۇل تۋرالى ونىڭ پروفيلىندە جازىلعان. اككاۋنتتا تەك ويدان شىعارىلعان «جاڭالىقتار» جاريالانادى. دەمەك، ءانشىنىڭ وپپوزيتسيالىق پارتيالارعا قوسىلۋعا شاقىرعانى تۋرالى اقپاراتقا سەنۋدىڭ قاجەتى جوق. بۇل - وتىرىك»، - دەپ جازادى سايت.