قازاقستاندىق تەننيسشى ىستانبۇل تۋرنيرىنىڭ جارتىلاي فينالىنا شىقتى

نۇر-سۇلتان. قازاقپارات - قازاقستاندىق، الەمنىڭ 51-راكەتكاسى يۋليا پۋتينتسيەۆا ىستانبۇل WTA 250 تۋرنيرىنىڭ جارتىلاي فينالىنا شىقتى، دەپ حابارلايدى قازاقپارات ءتىلشىسى.
None
None

يۋ. پۋتينتسيەۆا شيرەك فينالدا دۇنيەجۇزىلىك رەيتينگتە وزىنەن ون ساتى جوعارى تۇرعان اۋستراليالىق ايلا تومليانوۆيچپەن كۇش سىناستى.

ءبىرىنشى پارتيانى ءبىر برەيكتى ارتىق جاساعان اۋستراليالىق تەننيسشى ءوز ەسەبىنە جازدى - 7:5. ەسەسىنە ەكىنشى سەتتى يۋ. پۋتينتسيەۆا برەيكپەن باستاپ، سول قارقىنىن باسەڭدەتكەن جوق - 6:2.

قازاقستاندىق تەننيسشى ءۇشىنشى، شەشۋشى پارتيادا دا برەيكپەن العا كەتتى - 2:0.

اقىرى وسى باسىمدىلىعىنان ايىرىلماي، ماتچتى جەڭىسپەن تۇيىندەدى - 6:4.

اسا تارتىستى وتكەن باسەكە 2 ساعات 45 مينۋتقا سوزىلدى.

يۋ. پۋتينتسيەۆا جۇلدە قورى 251,7 مىڭ ا ق ش دوللارىنا باعالانعان جارىستىڭ فينالىنا شىعۋ ءۇشىن الەمنىڭ 47-راكەتكاسى، يسپانيالىق سارا سورريبەس-تورمو نەمەسە رەيتينگتە 122-ساتىداعى رەسەيلىك اناستاسيا پوتاپوۆانىڭ بىرەۋىمەن تالاسادى.

ەسكە سالا كەتەيىك، بۇدان بۇرىن يۋليا پۋتينتسيەۆانىڭ ىستانبۇل تۋرنيرىنىڭ شيرەك فينالىنا شىققانىن، ەلەنا رىباكينانىڭ تارتىستى ماتچتا الەمنىڭ ءۇشىنشى راكەتكاسىنا جول بەرگەنىن جازعان بولاتىنبىز.

سونداي-اق جىبەك قۇلامبايەۆا شىمكەنت تۋرنيرىنىڭ شيرەك فينالىنا شىقتى.

ج. قۇلامبايەۆا بۇگىن شيرەك فينالدا رەسەيلىك تاتيانا باركوۆاعا جول بەردى - 6:2، 2:6، 0:6.

سوڭعى جاڭالىقتار