قىتاي التى جاڭا اتوم رەاكتورىنىڭ قۇرىلىسىن ماقۇلدادى

بەيجىڭ. قازاقپارات - قىتاي بيلىگى ءۇش اتوم ەلەكتر ستانسياسىندا التى جاڭا اتوم رەاكتورىنىڭ قۇرىلىسىن ماقۇلدادى.
None
None

بۇل تۋرالى قىتاي يادرولىق ەنەرگەتيكا قاۋىمداستىعىنىڭ (CNEA) مالىمدەمەسىندە ايتىلعان، دەپ حابارلايدى «قازاقپارات» ح ا ا مەنىكتى ءتىلشىسى.

قاۋىمداستىقتىڭ مالىمەتىنشە، جاڭا ەنەرگوبلوكتار شىعىس قىتايدىڭ چجەتسزيان پروۆينتسياسىنداعى «سانمەن» ا ە س- ىندە، «حايان» ا ە س- ىندە (شاندۋن، شىعىس قىتاي) جانە «ليۋفەن» ا ە س- ىندە (گۋاندۋن، وڭتۇستىك قىتاي) ىسكە قوسىلادى.

سالالىق باسىلىمداردىڭ جازۋىنشا، «سانمەن» جانە «حايان» ا ە س- تارىنىڭ ەكىنشى كەزەگىندە سار-1000 اتوم رەاكتورلارىن، ال «ليۋفەن» ا ە س جاڭا الاڭىندا «Hualong - 1» رەاكتورلارىن ورناتادى.

ەكىنشى كەزەكتەگى ەكى جاڭا ەنەرگوبلوكتى ىسكە قوسقاننان كەيىن «حايان» ا ە س- ءى جىلدىق ەلەكتر ەنەرگياسىن ءوندىرۋ قۋاتى 20 ميلليارد كۆت*ساعاتتى قۇرايتىن بولادى. بۇل 2 ميلليونعا جۋىق ادامنىڭ ەلەكتر ەنەرگياسىنا دەگەن جىلدىق سۇرانىسىن قاناعاتتاندىرۋعا، كومىردى تۇتىنۋدى جىلىنا 8,55 ميلليون تونناعا ازايتۋعا، سونداي-اق كومىرتەگى قوستوتىعى، كۇكىرت قوستوتىعى مەن ازوت توتىعى شىعارىندىلارىن تيىسىنشە 16 ميلليون تونناعا، 52 مىڭ توننا جانە 45 مىڭ تونناعا ازايتۋعا مۇمكىندىك بەرەدى.

سالالىق ساراپشىلاردىڭ باعالاۋىنا سايكەس، III بۋىندى ءبىر اتوم رەاكتورىنىڭ قۇنى 20 ميلليارد يۋاندى (3,1 ميلليارد ا ق ش دوللارى) قۇرايدى.

ءۇش ا ە س- تە التى ەنەرگيا بلوگىن ىسكە قوسۋعا ارنالعان ينۆەستيتسيالاردىڭ جالپى كولەمى شامامەن 120 ميلليارد يۋانعا (18,6 ميلليارد ا ق ش دوللارى) جەتەدى.

الەمدەگى ەكىنشى ءىرى يادرولىق ەنەرگيا ءوندىرۋشىسى قىتاي ءوزىنىڭ كليماتتىق ماقساتتارىنا جەتۋ ءۇشىن يادرولىق ەنەرگياعا ينۆەستيتسيا سالۋدى جالعاستىرۋدا.

سوڭعى جاڭالىقتار